1.150 കിലോഗ്രാം കഞ്ചാവുമായി 2 അന്യസംസ്ഥാനക്കാരെ കളമശ്ശേരി പോലീസ് പിടികൂടി. ആസം സ്വദേശികളായ എകെജി ടെംപിൾ ഉണിച്ചിറ റോഡിലുള്ള വീട്ടിൽ വാടകയ്ക്ക് -താമസിച്ചിരുന്ന ദിൽദാർ ഹുസൈൻ( 21) എന്നയാളെയും കൂട്ടുപ്രതിയായ കൈറുൽ ഇസ്ലാം (27) എന്നയാളെയുമാണ് പൊലീസ് പിടികൂടിയത്.
കളമശ്ശേരി സ്റ്റേഷൻ ഇൻസ്പെക്ടർ ലത്തീഫ് എം ബി യുടെ നേതൃത്വത്തിൽ സബ് ഇൻസ്പെക്ടർ എൽദോ എ.കെ, സിപിഒ മാരായ മാഹിൻ അബൂബക്കർ, നിഷാദ് നെപ്പോളിയൻ എന്നിവർ ചേർന്ന് പിടികൂടിയ പ്രതികളെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.