കൊച്ചി: വിന്സിയുടെ പരാതി ഗൂഢാലോചനയെന്ന് നടന് ഷൈന് ടോം ചാക്കോ. സെറ്റില് തന്നോടുള്ള എതിര്പ്പാണ് പരാതിക്ക് കാരണമെന്ന് ഷൈന് മൊഴി നല്കി.
വിന്സിയുമായി മറ്റുപ്രശ്നങ്ങള് ഇല്ലെന്നും ചോദ്യം ചെയ്യലില് ഷൈന് പറഞ്ഞു. ലഹരി ഉപയോഗിച്ച് മോശമായി പെരുമാറിയതിനാണ് ഷൈന് ടോം ചാക്കോയ്ക്കെതിരെ നടി വിന് സി അലോഷ്യസ് ഫിലിം ചേംബറിനും സിനിമയുടെ ഐ.സി.സിക്കും പരാതി നല്കിയത്.
സൂത്രവാക്യം എന്ന സിനിമയുടെ സെറ്റിലായിരുന്നു മോശം പെരുമാറ്റം. ദിവസം ഒരു നടൻ ലഹരി ഉപയോഗിച്ച് തന്നോട് മോശമായി പെരുമാറിയെന്ന് വിൻസി പറഞ്ഞിരുന്നു
അതേസമയം ലഹരി കേസില് അറസ്റ്റിലായ നടന് ഷൈന് ടോം ചാക്കോ ജാമ്യം കിട്ടി പുറത്തിറങ്ങി. എൻഡിപിഎസ് 27 (ബി), 29 വകുപ്പുകളും ഭാരതീയ നിയമ സംഹിതയിലെ 237, 238 പ്രകാരം തെളിവ് നശിപ്പിക്കലും എന്നീ കുറ്റങ്ങളാണ് ഷൈനെതിരെ ചുമത്തിയിട്ടുള്ളത്.ജാമ്യം ലഭിക്കാവുന്ന കുറ്റങ്ങളാണ് ഇത്.