കൊച്ചി: ഐടി പാർക്കുകളിൽ ഇനിമുതൽ മദ്യം വിളമ്പാം. ഇതുസംബന്ധിച്ച ഉത്തരവ് പുറത്തിറങ്ങി സർക്കാർ. ജീവനക്കാർക്ക് മാത്രമാണ് മദ്യം നൽകുക എന്നാണ് ലഭിക്കുന്ന വിവരം.
അതേസമയം ഔദ്യോഗിക അതിഥികൾക്ക് മദ്യം നൽകാൻ പ്രത്യേക അനുമതി വേണം എന്നും റിപ്പോർട്ടുകൾ വ്യക്തമാക്കുന്നു. 10 ലക്ഷം രൂപയാണ് ലൈസൻസ് ഫീസ്. ഒരു ഐടി പാർക്കിൽ ഒരു മദ്യശാലയെന്നതാണ് നിബന്ധന.
ഉച്ചക്ക് 12 മുതൽ രാത്രി 12 വരെയായിരിക്കണം പ്രവർത്തി സമയം. ഐടി പാർക്കുകളിൽ മദ്യശാലയ്ക്ക് അനുമതി നൽകാൻ നേരത്തെ സർക്കാർ തീരുമാനിച്ചിരുന്നു. നിയമസഭ സമിതിയും തീരുമാനത്തിന് നേരത്തെ അംഗീകാരം നൽകിയിരുന്നു.