വിൽപ്പനക്കായി കൊണ്ടുവന്ന
വിൽപ്പനയ്ക്കായി കൊണ്ടുവന്ന കഞ്ചാവുമായി അന്യ സംസ്ഥന തൊഴിലാളിയെ ഇൻഫോപാർക്ക് പോലീസ് അറസ്റ്റ് ചെയ്തു. ആസ്സാം സ്വദേശിയായ മൊഹദ് ഇസാബ് അലി (23) എന്നയാളെയാണ് 1.045 കിലോഗ്രാം കഞ്ചാവുമായി പിടികൂടിയത്.
ഡെപ്യൂട്ടി പോലിസ് കമ്മീഷ്ണർ ജുവനപ്പുടി മഹേഷ് ഐ പി എസിന്റെ നിർദേശപ്രകാരം പട്രോളിങ് നടത്തുകയായിരുന്ന ഇൻഫോപാർക്ക് പോലീസ് സ്റ്റേഷൻ സബ് ഇൻസ്പെക്ടർ വിനോദ് എം റ്റി, അസ്സിസ്റ്റൻറ് സബ് ഇൻസ്പെക്ടർ ശ്രീകുമാർ, ഗിരീഷ്, സീനിയർ സിവിൽ പോലീസ് ഓഫീസർമാരായ ജോൺ എബ്രഹാം. വിനു കെ പി, ജോസ് കെ ഇ. സി പി ഒ സുജിത് രാജേന്ദ്രൻ എന്നിവർ അടങ്ങുന്ന സംഘമാണ് പ്രതിയെ പിടികൂടിയത്.
പ്രതി കഞ്ചാവ് കാക്കനാട് ഭാഗത്തുള്ള അന്യ സംസ്ഥാന തൊഴിലാളികൾക്കിടയിൽ വിൽപ്പന നടത്തുന്നതിനായി എത്തിച്ചതായിരുന്നു.