കോഴിക്കോട്: മുഖ്യമന്ത്രിക്കെതിരെ വിമര്ശനവുമായി ബിജെപി സംസ്ഥാന പ്രസിഡണ്ട് കെ സുരേന്ദ്രന് രംഗത്ത്.
എന്റെ തല എന്റെ മരുമകൻ എന്ന സമീപനം ആണ് ദേശീയ പാതയുടെ കാര്യത്തിൽ അടക്കം മുഖ്യമന്ത്രി സ്വീകരിക്കുന്നതെന്ന് അദ്ദേഹം കുറ്റപ്പെടുത്തി.
കേന്ദ്രം അവഗണിക്കുന്നുവെന്ന വ്യാജ പ്രചരണം അവസാനിപ്പിച്ച് കേരളത്തോട് മാപ്പ് പറയാൻ പിണറായി തയ്യാറാകണം.
സംസ്ഥാന സർക്കാരിന്റെ ഭരണ പരാജയം മറക്കാൻ കേന്ദ്രത്തെ പഴി ചാരുന്നു. ആശകളുടെ സേവന വേതനത്തിൽ പച്ചക്കള്ളം പറയുന്നു. ആശ വർക്കർമാരുമായി ഒരു ചർച്ചക്കും മുഖ്യ മന്ത്രി തയ്യാറാകുന്നില്ല. കേന്ദ്രം നൽകാനുള്ളത്എല്ലാം നൽകുന്നുണ്ടെന്നും അദ്ദേഹം പറഞ്ഞു.
വികസനത്തിന് കൂടുതൽ സഹായം കേരളത്തിന് കിട്ടണം. അത് ചോദിക്കുന്നതിൽ തെറ്റില്ല. അതിനു പകരം കേരളത്തെ ഞെക്കി പിഴിയുന്നു എന്ന് പറയുന്നത് ശരിയല്ലെന്നും അദ്ദേഹം പറഞ്ഞു