കൽപ്പറ്റ: വയനാട് സുൽത്താൻബത്തേരിയിൽ കഞ്ചാവ് അടങ്ങിയ മിഠായി പിടികൂടി. ബത്തേരിയിലെ കോളേജ് വിദ്യർത്ഥിയിൽ നിന്നാണ് കഞ്ചാവ് മിഠായി പിടിച്ചെടുത്തത്.
സുൽത്താൻബത്തേരിയിൽ അൽഫോൻസ കോളേജ് വിദ്യാർഥികളിൽ നിന്നാണ് കഞ്ചാവ് മിഠായി പിടിച്ചെടുത്തത്. ഓൺലൈൻ വഴിയാണ് മിഠായി കുട്ടികളിലേക്ക് എത്തുന്നതെന്ന് പൊലീസ് വ്യക്തമാക്കുന്നു. വിദ്യാർത്ഥികൾക്കെതിരെ എൻഡിപിഎസ് ആക്റ്റ് പ്രകാരം പൊലീസ് കേസെടുത്തു.
കഴിഞ്ഞ മൂന്ന് മാസമായി ഓൺലൈനിലൂടെ വാങ്ങിയ മിഠായി വിദ്യാർത്ഥി മറ്റ് വിദ്യാർത്ഥികൾക്കിടയിൽ വിൽപ്പന നടത്തുന്നുണ്ടെന്നും പൊലീസ് കണ്ടെത്തി.
സംശയാസ്പദമായ സാഹചര്യത്തില് കണ്ട വിദ്യാര്ത്ഥികളെ ചോദ്യം ചെയ്തപ്പോഴാണ് കഞ്ചാവ് മിഠായി കണ്ടെത്തിയത്. മറ്റൊരു വിദ്യാര്ത്ഥിയാണ് നല്കിയതെന്ന് ഇവർ മൊഴി നല്കി.
തുടർന്ന് നടത്തിയ അന്വേഷണത്തില് വിദ്യാർത്ഥികളില് ഒരാളാണ് ഓണ്ലൈനിലൂടെ വാങ്ങി മുപ്പത് രൂപ നിരക്കില് കഞ്ചാവ് മിഠായി വില്പ്പന നടത്തിയതെന്ന് വ്യക്തമായതായി പൊലീസ് പറഞ്ഞു.