തിരുവനന്തപുരം: കേരളത്തില് കനത്ത ചൂട് തുടരുകയാണ്. പല സ്ഥലങ്ങളിലും അള്ട്രാവയലറ്റ് സൂചിക കുത്തനെ ഉയരുകയാണ്. കഴിഞ്ഞ 24 മണിക്കൂറിനിടെ രണ്ടിടങ്ങളിലാണ് അള്ട്രാവയലറ്റ് സൂചിക പത്ത് പിന്നിട്ടത്.
അതേസമയം ഇടുക്കിയിലെ പ്രധാന വിനോദ സഞ്ചാര കേന്ദ്രമായ മൂന്നാറില് അള്ട്രാവയലറ്റ് സൂചിക 12 ആണ് രേഖപ്പെടുത്തിയത്. പത്തനംതിട്ട കോന്നിയില് പതിനൊന്നും രേഖപ്പെടുത്തിയിട്ടുണ്ട്. ഈ രണ്ട് സ്ഥലങ്ങളിലും ഏറ്റവും ഗുരുതരമായ സാഹചര്യം എന്ന് വിലയിരുത്തി റെഡ് അലര്ട്ട് പ്രഖ്യാപിച്ചിരിക്കുകയാണ് കേന്ദ്ര കാലാവസ്ഥ നിരീക്ഷണ കേന്ദ്രം.
കൊട്ടാരക്കര, ചങ്ങനാശ്ശേരി, തൃത്താല, പൊന്നാനി എന്നീ പ്രദേശങ്ങളില് അള്ട്രാവയലറ്റ് സൂചിക എട്ടിനും പത്തിനും ഇടയില് ആണ്. ഇവിടങ്ങളില് ഓറഞ്ച് അലര്ട്ട് ആണ് നിലവിലുള്ളത്. വിളപ്പില്ശാല, ചെങ്ങന്നൂര്, കളമശ്ശേരി, ഒല്ലൂര്, ബേപ്പൂര്, മാനന്തവാടി എന്നിവടങ്ങളിള് ആറ് മുതല് 7 വരെയാണ് അള്ട്രാവയലറ്റ് സൂചിക രേഖപ്പെടുത്തിയിരിക്കുന്നത്. ധര്മ്മടം, കാസര്കോട് പ്രദേശങ്ങളിലും അള്ട്രാവയലറ്റ് സൂചിക ഗുരുതരമായേക്കാവുന്ന സാഹചര്യമാണ് നിലവിലുള്ളത് എന്നും കാലാവസ്ഥാ വകുപ്പ് വ്യക്തമാക്കി.