കൊച്ചി: കളമശ്ശേരി സർക്കാർ പോളിടെക്നിക് കോളേജ് ഹോസ്റ്റലിൽ നിന്ന് കഞ്ചാവ് പിടികൂടിയ സംഭവത്തില് അറസ്റ്റിലായ പ്രതി ആകാശ് റിമാൻഡിൽ.14 ദിവസത്തെക്ക് റിമാൻഡ് ചെയ്തത് എന്നാണ് ലഭിക്കുന്ന വിവരം.
അതേസമയം കഞ്ചാവിന്റെ ഉറവിടം കണ്ടെത്താൻ പ്രതിയെ കസ്റ്റഡിയിൽ വേണമെന്ന് പൊലീസ് കോടതിയോട് ആവശ്യപ്പെടും എന്നാണ് പുറത്തു വരുന്ന വിവരം. ഉടന് കസ്റ്റഡി അപേക്ഷ നല്കുമെന്ന് പൊലീസ് അറിയിച്ചു.
ആകാശിന് പുറമേ അഭിരാജ്, ആദിത്യൻ എന്നിവരെ അറസ്റ്റ് ചെയ്തെങ്കിലും ഇവരെ സ്റ്റേഷൻ ജാമ്യത്തിൽ വിട്ടിരുന്നു. ഇവരെ വീണ്ടും വിളിപ്പിച്ച് ചോദ്യം ചെയ്യുമെന്നും പൊലീസ് വ്യക്തമാക്കി.