തിരുവനന്തപുരം: സംസ്ഥാന ബഡ്ജറ്റിൽ വിഴിഞ്ഞം തുറമുഖത്തിനായി വമ്പൻ പ്രഖ്യാപനങ്ങൾ. വിഴിഞ്ഞം തുറമുഖത്തിനെ പ്രധാന ട്രാൻഷിപ്പ് മെന്റ് തുറമുഖമാക്കുമെന്നാണ് പ്രഖ്യാപനങ്ങളിൽ പ്രധാനമായും പറയുന്നത്.
സിംഗപ്പൂർ, ദുബായ് മാതൃകയിൽ കയറ്റുമതി ഇറക്കുമതി തുറമുഖമാക്കി വിഴിഞ്ഞത്തെ മാറ്റും എന്നും ഇതിന്റെ ഭാഗമായി വിഴിഞ്ഞം – കൊല്ലം – പുനലൂർ വികസന വളർച്ചാ തൃകോണ പദ്ധതി (വികെപിജിടി) നടപ്പാക്കും എന്നും പ്രഖ്യാപനത്തിൽ പറയുന്നു. എൻ എച്ച് 66, പുതിയ ഗ്രീൻഫീൽഡ് എൻഎച്ച് 744, എംസി റോഡ് , മലയോര തീരദേശ ഹൈവേ , റെയിൽപാതകൾ വികസിക്കുന്നതിന് ഈ പദ്ധതി കാരണമാകും.
വിഴിഞ്ഞം പദ്ധതി 2028 ൽ പൂർത്തിയാക്കും. തെക്കൻ കേരളത്തിന് പുതിയ കപ്പൽ നിർമാണശാലയും ബഡ്ജറ്റിൽ അവതരിപ്പിച്ചിട്ടുണ്ട്.