കൊച്ചി: പകുതി വില തട്ടിപ്പുമായി ബന്ധപ്പെട്ട കേസില് പ്രതിയായ അനന്തു കൃഷ്ണനില് നിന്നും വക്കീല് ഫീസ് മാത്രമാണ് തനിക്ക് ലഭിച്ചതെന്ന് വ്യക്തമാക്കി അഡ്വ. ലാലി വിന്സെന്റ് രംഗത്ത്. രണ്ട് വര്ഷത്തിനിടെ വക്കീല് ഫീസ് ഇനത്തില് 40 ലക്ഷം രൂപ ലഭിച്ചു എന്നും മറ്റു സാമ്പത്തിക നേട്ടങ്ങളൊന്നും ഇല്ലെന്നും ബാങ്ക് അക്കൗണ്ട് പരിശോധിക്കാമെന്നും ലാലി വിന്സെന്റ് പറഞ്ഞു.
അതേസമയം അനന്തു കൃഷ്ണനെ പരിചയപ്പെടുത്തിയത് ലാലി വിന്സെന്റ് ആണെന്ന എന്ജിഒ കോണ്ഫെഡറേഷന്റെ ചുമതലയുണ്ടായിരുന്ന ആനന്ദ് കുമാറിനെ വാദവും ലാലി തള്ളി കളഞ്ഞു. ആനന്ദ് കുമാറിന് ഓര്മ പിശക് ആണിതെന്നാണ് ലാലിയുടെ വിശദീകരണം.