മുംബൈ: ബോളിവുഡ് താരം സെയ്ഫ് അലി ഖാനെ ആക്രമിച്ചയാളെ തിരിച്ചറിഞ്ഞെന്ന് വ്യക്തമാക്കി പൊലീസ്. സിസിടിവി ദൃശ്യങ്ങള് പരിശോധിച്ചതില് നിന്നാണ് അക്രമിയെ തിരിച്ചറിഞ്ഞത്.
മോഷണം തന്നെയായിരുന്നു ഇയാളുടെ ലക്ഷ്യമെന്നാണ് പൊലീസ് പറയുന്നത്. സമീപത്തെ വീടിന്റെ മതിലിലൂടെയാണ് ഇയാള് സെയ്ഫിന്റെ വീട്ടിലേക്ക് കയറിയത് എന്നാണ് ദൃശ്യങ്ങളിൽ നിന്നും വ്യക്തമാകുന്നത്. ഫയര് എസ്കേപ്പ് പടികള് വഴി ഇയാള് വീടിന് അകത്തു കയറുകയായിരുന്നു.
അക്രമത്തിന് പിന്നാലെ കുടുംബാംഗങ്ങള് ചേര്ന്ന് സെയ്ഫിനെ മുംബൈയിലെ ലീലാവതി ആശുപത്രിയില് പ്രവേശിപ്പിച്ചു. സെയ്ഫിനേറ്റ കുത്തില് രണ്ടെണ്ണം ആഴമേറിയതായിരുന്നു. നട്ടെല്ലിന് സമീപം കുത്തേറ്റതിനാല് സെയ്ഫിനെ അടിയന്തര ശസ്ത്രക്രിയക്ക് വിധേയനാക്കി. സെയ്ഫ് അപകടനില തരണം ചെയ്തതായി ആശുപത്രി അധികൃതര് അറിയിച്ചു