തിരുവനന്തപുരം: പോക്സോ കേസില് നടന് കൂട്ടിക്കല് ജയചന്ദ്രന്റ അറസ്റ്റ് നടപടികള് തടഞ്ഞ് സുപ്രീം കോടതി. അന്വേഷണവുമായി സഹകരിക്കണമെന്ന നിര്ദേശത്തോട് കൂടിയാണ് സുപ്രീംകോടതി അറസ്റ്റ് നടപടികള് തടഞ്ഞത്.
കഴിഞ്ഞ ജൂണ് എട്ടിനായിരുന്നു കോഴിക്കോട് കസബ പൊലീസ് ജയചന്ദ്രനെ പ്രതിയാക്കി കേസെടുത്തത്.
നാല് വയസുകാരിയെ നഗരപരിധിയിലെ വീട്ടില് വെച്ച് പീഡിപ്പിച്ചുവെന്നാണ് കൂട്ടിക്കല് ജയചന്ദ്രനെതിരായ കേസ്. അഞ്ച് വര്ഷം ജീവപര്യന്തം വരെ ലഭിക്കാവുന്ന കുറ്റമാണ് ജയചന്ദ്രനെതിരെ പൊലീസ് ചുമത്തിയത്. എന്നാൽ പോക്സോ നിയമത്തെ ദുരുപയോഗം ചെയ്ത കേസാണിതെന്നാണ് നടന്റെ അഭിഭാഷകന്റെ വാദം. കുടുംബ തര്ക്കത്തെ തുടര്ന്ന് നല്കിയ പരാതിയാണെന്നും വാദത്തില് പറയുന്നു.
ഒരു മാസത്തേക്കാണ് സുപ്രീം കോടതി അറസ്റ്റ് തടഞ്ഞത്. കൂട്ടിക്കല് ജയചന്ദ്രന്റെ മുന്കൂര് ജാമ്യാപേക്ഷയില് കോടതി സര്ക്കാരിന് നോട്ടീസ് അയച്ചിട്ടുണ്ട്.