മുംബൈ: മോഷ്ടാവിന്റെ ആക്രമണത്തെ തുടര്ന്ന് ആശുപത്രിയിലായ സെയ്ഫ് അലി ഖാന് ആശുപത്രി വിട്ടതായി റിപ്പോർട്ട്. ആക്രമണം നടന്ന് ആറ് ദിവസങ്ങള്ക്ക് ശേഷമാണ് മുംബൈ ലീലാവതി ആശുപത്രിയില് നിന്ന് സെയ്ഫ് അലി ഖാനെ ഡിസ്ചാര്ജ് ചെയ്യുന്നത്.
അമ്മയും നടിയുമായ ഷര്മിള ടാഗോറിനൊപ്പമാണ് സെയ്ഫ് അലി ഖാന് വീട്ടിലേക്ക് മടങ്ങുന്നത് എന്നാണ് ലഭിക്കുന്ന വിവരം. അണുബാധയേല്ക്കുന്നതിനാല് സന്ദര്കരെ അനുവദിക്കരുതെന്ന് സെയ്ഫിന് നിര്ദേശമുണ്ട്.
അതേസമയം ഒരാഴ്ച പൂര്ണ വിശ്രമവും ഡോക്ടര്മാര് നിര്ദേശിച്ചിട്ടുണ്ട്. സെയ്ഫ് അലി ഖാന് വേണ്ടി ആശുപത്രിയിലും വസതിയിലും വലിയ രീതിയിലുള്ള സുരക്ഷയാണ് ഒരുക്കിയത് എന്നാണ് പുറത്തു വരുന്ന റിപ്പോർട്ടുകൾ വ്യക്തമാക്കുന്നത്.