നടന് സലിം കുമാറിന്റെ സംസ്കാര ചടങ്ങിനിടെ ഓണ്ലൈന് മീഡിയ ഉണ്ടാക്കിയ പ്രശ്നങ്ങളില് പ്രതികരണവുമായി നടന് മഹേഷ് നായര്. മരണ ശേഷം മണിക്കൂര് തികയും മുന്പ് തന്നെ ചാരമാക്കണമെന്നാണ് അദ്ദേഹത്തിന്റെ ആവശ്യം. നിശ്ചല ശരീരം കണ്ട് എന്നെ പറ്റിയുള്ള ഓര്മകളില് ആര്ക്കും സങ്കടം ഉണ്ടാകാന് പാടില്ലെന്നും അദ്ദേഹം ഫെയ്സ്ബുക്കില് പങ്കുവച്ച കുറിപ്പില് പറഞ്ഞു.
“പ്രിയരെ, പ്രിയ സലിം കുമാർ യാത്ര ആയപ്പോൾ ഓൺലൈൻ മീഡിയ കാരണം സലിം കുമാറിന്റെ മകന്റെ വിഷമം നമ്മൾ കണ്ടു. ഞാൻ അത്രയും വലിയ അറിയപ്പെടുന്ന നടനല്ല. പക്ഷേ എന്നെ മരണം എന്നെ പുൽകി മണിക്കൂർ തികയ്ക്കും മുൻപേ വൈദ്യുതി സ്മശാനത്തിൽ എന്നെ ചാരമാക്കി മാറ്റണം..
ഒരു റീത്തും വേണ്ട. നിശ്ച്ചലമായി കിടക്കുന്ന ശരീരം കണ്ട് എന്നെ പറ്റിയുള്ള ഓർമ്മകൾ ആർക്കും ഒരു രീതിയിലും അലോസരമോ സങ്കടമോ ഉണ്ടാക്കുകയും വേണ്ട. ബന്ധുക്കൾ പോലും ദിനങ്ങൾ കഴിഞ്ഞ് അറിഞ്ഞാൽ മതി. എല്ലാപേരും ജീവനുള്ള എന്നെ ഓർത്താൽ മതി. മക്കൾ പോലും”, എന്നായിരുന്നു മഹേഷ് നായരുടെ വാക്കുകൾ.