തിരുവനന്തപുരം: കല്ലമ്പലത്ത് ഓടിക്കൊണ്ടിരുന്ന കാറിന് തീ പിടിച്ചു. കല്ലമ്പലം കടമ്പാട്ടുകോണത്ത് വച്ചാണ് അപകടം ഉണ്ടായത്. വർക്കല ഹരിഹരപുരം സ്വദേശി സുഗന്ധകുമാറിന്റെ കാറിനാണ് തീ പിടിച്ചത്. ഇന്നലെ രാത്രി 10 മണിക്കായിരുന്നു അപകടം. തലനാരിഴക്കാണ് വാഹനത്തിനുള്ളിലുള്ളവർ രക്ഷപ്പെട്ടത്. അപകട സമയത്ത് വാഹനത്തിൽ സുഗന്ധകുമാറും കുടുംബാംഗങ്ങളും ആണ് ഉണ്ടായിരുന്നത്. ക്വോളിസ് വാഹനത്തിനാണ് തീ പിടിച്ചത്. വാഹനത്തിന്റെ എൻജിൻ ഭാഗത്തുനിന്നും പുക ഉയർന്നത്തോടെ വാഹനം ഒതുക്കി നിർത്തി ആളുകളെ പുറത്തിറക്കുകയായിരുന്നു. തുടർന്ന് അധികം താമസിക്കാതെ കാർ കത്തിനശിച്ചു. തീ പെട്ടെന്ന് പടരുകയായിരുന്നു. വിവരമറിഞ്ഞ് കല്ലമ്പലം ഫയർഫോഴ്സ് സ്ഥലത്തെത്തി തീ അണച്ചു. കാർ പൂർണമായും കത്തി നശിച്ചു. തീപിടുത്തം ഉണ്ടായതിന്റെ കാരണം വ്യക്തമായിട്ടില്ല.
ഷോര്ട്ട് സര്ക്യൂട്ടാണ് കാരണമെന്നാണ് നിഗമനം. കല്ലമ്പലം പോലീസ് കേസെടുത്തു.