കാസർകോട്: കാസർകോട് ബദിയടുക്കയിൽ തെരുവ് നായ ആക്രമണത്തിൽ 13 പേർക്ക് പരിക്ക്. കിളിങ്കരയിൽ 3 പേർക്കും കട്ടത്തങ്കടിയിൽ 9 പേർക്കും കൊളംബെയിൽ ഒരാൾക്കുമാണ് തെരുവു നായയുടെ കടിയേറ്റത്. ഇന്നലെ വൈകിട്ട് ആറുമണിയോടെ ആണ് സംഭവം. കടിയേറ്റ 9 പേർ കാസർകോട് ജനറൽ ആശുപത്രിയിൽ ചികിത്സയിലാണ്.ഭൂരിഭാഗം പേർക്കും കാലിൽ ആണ് കടിയേറ്റത്.കണ്ണിൽ കണ്ടവരെ എല്ലാം തെരുവുനായ ആക്രമിക്കുകയായിരുന്നു. നായയെ പിടികൂടാൻ പോയവർക്കും കടിയേറ്റു.
കന്നുകാലികളെയും നായ കടിച്ചെന്നും ഇതുവരെ പിടികൂടാൻ കഴിഞ്ഞില്ലെന്നും നാട്ടുകാർ പറയുന്നു. സിറിൽ (50),സ്റ്റീവൻ(40), ഷെബി (45), പ്രസന്ന(45), മേരി(60), അൻവിൻ (13), അജിത്(8), സരിത(25) എന്നിവർ ആണ് കാസർകോട് ആശുപത്രിയിൽ ചികിത്സ തേടിയത്.