തിരുവനന്തപുരം: പ്ലസ്ടു വിദ്യാർത്ഥികളുടെ ഹിന്ദി പരീക്ഷ മാറ്റിവെച്ചു. 2025-26 അധ്യയന വർഷത്തിലെ പ്ലസ്ടു രണ്ടാംപാദ വാർഷിക പരീക്ഷയുടെ (ക്രിസ്മസ് പരീക്ഷ) 20.12.2025 തീയതിയിൽ നടത്താനിരുന്ന ഹിന്ദി പരീക്ഷയാണ് മാറ്റിവെച്ചത്. ഹിന്ദി പരീക്ഷ ചില സാങ്കേതിക കാരണങ്ങളാൽ മാറ്റി വയ്ക്കുന്നതായി വിദ്യാഭ്യാസ വകുപ്പ് അറിയിച്ചു. ഈ പരീക്ഷ ക്രിസ്മസ് അവധിക്ക് ശേഷം സ്കൂൾ തുറക്കുന്ന ജനുവരി അഞ്ചിന് ഉച്ചയ്ക്ക് ശേഷം നടത്തുമെന്ന് വിദ്യാഭ്യാസ വകുപ്പ് അറിയിച്ചു.