കൊച്ചി: വിഷാദരോഗത്തെക്കുറിച്ചും മാനസികാരോഗ്യത്തെക്കുറിച്ചും നടി കൃഷ്ണപ്രഭ നടത്തിയ പരാമർശം വിവാദത്തിൽ. പണിയൊന്നുമില്ലാതെ ഇരിക്കുന്നതിനാലാണ് വിഷാദരോഗമുണ്ടാകുന്നതെന്ന് കൃഷ്ണ പ്രഭ ഒരു അഭിമുഖത്തിൽ പറഞ്ഞതാണ് മറ്റ് താരങ്ങളശെ ഉൾപ്പടെ ചൊടിപ്പിച്ചത്.
കൃഷ്ണ പ്രഭയും അഭിമുഖം നടത്തിയ ആളും ഡിപ്രഷനെ കളിയാക്കുകയും നിസാരവത്കരിക്കുകയും ചെയ്തുവെന്നാണ് സോഷ്യൽ മീഡിയയുടെ പരക്കെയുള്ള വിമർശനംവിമർശനം.
കൃഷ്ണപ്രഭയുടെ അഭിപ്രായ പ്രകടനത്തോട് ഷെയിം ഓൺ യു എന്ന വാക്കുകളോടെയാണ് ഗായിക അഞ്ജു ജോസഫ് പ്രതികരിച്ചത്. നേരത്ത താൻ സമീപകാലത്ത് അനുഭവിച്ച വിഷാദ അവസ്ഥ വിവരച്ച് അഞ്ജു ജോസഫ് രംഗത്തെത്തിയിരുന്നു.
കൃഷ്ണപ്രഭയെ വിമർശിച്ചു കൊണ്ട് നടി സാനിയ അയ്യപ്പനനും രംഗത്തെത്തി. സൈക്കോളജിസ്റ്റ് പങ്കുവച്ച വിഡിയോ നടി സാനിയ അയ്യപ്പനും സോഷ്യൽ മീഡിയയിൽ പങ്കുവച്ചു. അറിയില്ലെങ്കിൽ പഠിക്കണം, ഇല്ലെങ്കിൽ മിണ്ടാതിരിക്കണം എന്ന കുറിപ്പോടെയാണ് പലരും കൃഷ്ണപ്രഭയുടെ വീഡിയോ പങ്കുവെച്ചിരിക്കുന്നത്.
അല്ലാതെ ചിരിച്ചു കളിക്കാനുള്ള വിഷയമല്ല വിഷാദരോഗവും മാനിസാകാരോഗ്യ പ്രശ്നങ്ങളുമെന്നാണ് കൃഷ്ണപ്രഭയോട് സോഷ്യൽ മീഡിയ പറയുന്നത്.