കൂത്തുപറമ്പ് എംഎൽഎ കെ പി മോഹനനെ ഒരു സംഘം ആളുകൾ തടയുകയും കയ്യേറ്റം ചെയ്യുകയും ചെയ്തത് അങ്ങേയറ്റം അപലപനീയമാണെന്ന് ആർജെഡി ദേശീയ സെക്രട്ടറി അനു ചാക്കോ.
ഡയാലിസിസ് കേന്ദ്രത്തിലെ മാലിന്യ പ്രശ്നം പരിഹരിക്കേണ്ടത് പാനൂർ മുനിസിപ്പാലിറ്റിയാണ്. ഓരോ സ്ഥലത്തെയും മാലിന്യ പ്രശ്നങ്ങൾ പരിഹരിക്കേണ്ടത് തദ്ധേശ സ്വയംഭരണ സ്ഥാപനങ്ങളുടെ ചുമതലയാണ്.
പാനൂർ മുനിസിപ്പാലിറ്റി അവരുടെ ഉത്തരവാദിത്വം വേണ്ട വിദത്തിൽ നിർവഹിക്കാതെ സാധാരണക്കാരായ ജനങ്ങളെ എംഎൽഎ ആക്രമിക്കാൻ തിരിച്ചുവിട്ട ആളുകളെ കണ്ടെത്തി നടപടി സ്വീകരിക്കണം.
പാനൂർ മുനിസിപ്പാലിറ്റിക്കെതിരെ വരുന്ന ജനരോഷം എംഎൽഎ ക്കെതിരെ തിരിച്ചുവിടാനാണ് ശ്രമം. ഇതിനു പിന്നിൽ പ്രവർത്തിച്ചവരെ എത്രയും വേഗം കണ്ടെത്താനും നടപടി സ്വീകരിക്കാനും പോലീസ് തയ്യാറാവണം- ഇത്തരക്കാരെ ഒറ്റപ്പെടുത്താൻ പ്രബുദ്ധരായ ജനങ്ങൾ മുന്നോട്ടുവരണം.