കയര് മേഖലയിലെ സാമ്പത്തിക പ്രതിസന്ധി പരിഹരിക്കാന് കേന്ദ്രം പ്രത്യേക പാക്കേജ് അനുവദിക്കണമെന്ന് മന്ത്രി പി രാജീവ്.ആലപ്പുഴയില് കയര് കോര്പറേഷന് സംഘടിപ്പിച്ച കയര് കോണ്ക്ലേവിന്റെ സമാപന യോഗത്തിനുശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ട്രംപിന്റെ താരിഫ് വര്ധന കാരണം കയര് മേഖലയില് വലിയ സാമ്പത്തിക പ്രതിസന്ധിയാണ് സൃഷ്ടിച്ചത്. ഇത് മറികടക്കാന് എത്രയും പെട്ടെന്ന് കേന്ദ്രസര്ക്കാര് പ്രത്യേക പാക്കേജ് അനുവദിക്കണമെന്നും മന്ത്രി പി രാജീവ് പറഞ്ഞു.
അസംസ്കൃത വസ്തുക്കളുടെ ദൗര്ലഭ്യം പരിഹരിക്കാന് തദ്ദേശ സ്ഥാപനങ്ങളുമായി സഹകരിച്ച് ഹരിത കര്മസേനയെ ഉപയോഗിച്ച് തൊണ്ട് ശേഖരിക്കുമെന്ന് മന്ത്രി പറഞ്ഞു.
ഉല്പാദനം സംഘടിത രൂപത്തിലേക്ക് മാറ്റണം. ഇതിനായി 100 യന്ത്രങ്ങളുള്ള ക്ലസ്റ്ററുകള് ആരംഭിക്കും. ആവശ്യമായ സാമ്പത്തിക സഹായം അനുവദിക്കും. മേഖലയില് കൂടുതല് ആധുനികവല്ക്കരണവും വൈവിധ്യ വല്ക്കരണവും നടപ്പിലാക്കും. ഇതിന്റെ ഭാഗമായി 1.27 കോടി മുടക്കി 500 യന്ത്രങ്ങള് അറ്റകുറ്റപ്പണിചെയ്തതായും അദ്ദേഹം പറഞ്ഞു.