തിരുവനന്തപുരം: പൊതുജനങ്ങള് നല്കുന്ന നിവേദനങ്ങള്ക്ക് മറുപടി നല്കുമ്പോള് ‘ബഹു ‘ മുഖ്യമന്ത്രി എന്ന് ചേര്ക്കണമെന്ന് ഉത്തരവ്.
പൊതുജനങ്ങൾ വിവിധ ആവശ്യങ്ങൾ ഉന്നയിച്ച് മുഖ്യമന്ത്രിക്കും മന്ത്രിമാർക്കും നൽകുന്ന നിവേദനങ്ങളിലും പരാതികളിലും മറുപടി നൽകുന്നത് സംബന്ധിച്ചാണ് ഉദ്യോഗസ്ഥ ഭരണപരിഷ്കാര വകുപ്പ് മാർഗനിർദേശം പുറത്തിറക്കിയത്.
ഉത്തരവിന്റെ പൂര്ണരൂപം ഇങ്ങനെ,
ഉദ്യോഗസ്ഥ ഭരണ പരിഷ്കാര വകുപ്പ് – പൊതു ജനങ്ങള് വിവിധ ആവശ്യങ്ങള് ഉന്നയിച്ചു കൊണ്ട് ബഹു. മുഖ്യമന്ത്രി, ബഹു. മന്ത്രിമാര് എന്നിവര്ക്ക് നല്കുന്ന നിവേദനങ്ങളില് മറുപടി നല്കുന്ന മാര്ഗ്ഗ നിര്ദ്ദേശങ്ങള് സംബന്ധിച്ച്.
പൊതു ജനങ്ങള് വിവിധ ആവശ്യങ്ങള് ഉന്നയിച്ചു കൊണ്ട് ബഹു. മുഖ്യമന്ത്രി, ബഹു. മന്ത്രിമാര് എന്നിവര്ക്ക് നല്കുന്ന നിവേദനങ്ങള്/പരാതികള് എന്നിവ പരിശോധന വിധേയമാക്കിയശേഷം ബന്ധപ്പെട്ട ഓഫീസുകളില് നിന്നും നടപടികള് സ്വീകരിച്ചതിന്റെ ഭാഗമായി നിവേദകര്ക്കും, അപേക്ഷകര്ക്കും നല്കുന്ന മറുപടി സംബന്ധമായ കത്തിടപാടുകളില് ബഹുമാന സൂചകമായി ബഹു. മുഖ്യമന്ത്രി, ബഹു. മന്ത്രി എന്ന് രേഖപ്പെടുത്തേണ്ടതാണ്.