ആര്യ ബഡായിയും സിബിൻ ബെഞ്ചമിനും വിവാഹിതരായി. ഏറെ നാളത്തെ സൗഹൃദം ആണ് ജീവിതകാലം നീണ്ട യാത്രക്ക് തുടക്കം കുറിച്ചിരിക്കുന്നത്.
വളരെ പ്രൈവറ്റായി നടന്ന ചടങ്ങിൽ വെച്ച് ഹിന്ദു ആചാരപ്രകാരം സിബിൻ ആര്യയെ താലി ചാർത്തി സ്വന്തമാക്കി. എല്ലാത്തിനും ചുക്കാൻ പിടിച്ച് ആര്യയുടെ മകൾ ഖുഷി എന്ന റോയയും ഉണ്ടായിരുന്നു.
കതിർമണ്ഡപത്തിലേക്ക് ആര്യയെ കൈപിടിച്ച് കൂട്ടികൊണ്ടുവന്നത് മകൾ തന്നെയാണ്. ഫെയറിടെയ്ൽ വെഡ്ഡിങ് എന്നാണ് ആര്യ ജീവിതത്തിലെ ഏറ്റവും മനോഹരമായ നിമിഷത്തെ വിശേഷിപ്പിച്ചത്.
വർഷങ്ങളായി ആര്യയുടെ അടുത്ത സുഹൃത്താണ് സിബിൻ. പിന്നീട് ഇരുവരും പ്രണയത്തിലാവുകയായിരുന്നു. കഴിഞ്ഞ മേയ് മാസത്തിലാണ് ആര്യയും സിബിനും തങ്ങൾ വിവാഹിതരാവാൻ പോവുന്ന വാർത്ത സമൂഹമാധ്യമങ്ങളിലൂടെ അനൗൺസ് ചെയ്തത്. രണ്ടുപേരുടെയും രണ്ടാം വിവാഹമാണിത്.