മലപ്പുറം: മലപ്പുറം വളാഞ്ചേരിയില് ലഹരി ഉപയോഗിക്കുന്നവര്ക്ക് എച്ച്ഐവി ബാധ സ്ഥിരീകരിച്ചതായി റിപ്പോർട്ട്. രണ്ട് മാസത്തിനിടെ വളാഞ്ചേരിയില് മാത്രം എച്ച്ഐവി ബാധിതരായത് പത്ത് പേരാണ് എന്നാണ് ഞെട്ടിക്കുന്ന കണക്കുകൾ.
ബ്രൗണ് ഷുഗര് കുത്തിവെച്ചതിലൂടെയാണ് എച്ച്ഐവി പകര്ന്നത് എന്നാണ് ലഭിക്കുന്ന വിവരം. കൂടുതല് പേര്ക്ക് രോഗബാധയുണ്ടാകാൻ സാധ്യതയുണ്ടെന്ന് ആരോഗ്യവകുപ്പ് പറഞ്ഞു.
അതേസമയം വിഷയത്തിൽ ആരോഗ്യവകുപ്പ് അടിയന്തരയോഗം ചേര്ന്നു. രണ്ട് മാസത്തിനിടെയാണ് പത്ത് പേര്ക്ക് രോഗം സ്ഥിരീകരിച്ചത്. കൂടുതല് പേര്ക്ക് രോഗബാധയുണ്ടാകാം എന്നാണ് സംശയിക്കുന്നത്.