Monday, June 21, 2021

12-18 പ്രായപരിധിയിലുള്ളവർക്ക് നാളെ മുതൽ വാക്സിൻ ; കൗമാരക്കാർക്ക് കോവിഡ് വാക്സിൻ നൽകുന്ന ആദ്യ രാജ്യമാകാൻ സിംഗപൂർ

Must Read

കൗമാരക്കാർക്ക്​ കോവിഡ്​ വാക്​സിൻ നൽകുന്ന ആദ്യ രാജ്യമാകാൻ സിംഗപൂർ. 12-18 പ്രായപരിധിയിലുള്ളവർക്ക്​ നാളെ മുതൽ വാക്​സിൻ നൽകാനാണ്​ തീരുമാനം. വിദ്യർഥികളിൽ കോവിഡ്​ സ്​ഥിരീകരിച്ചതിനെ തുടർന്നാണ്​ നടപടി.

പരമാവധി ആളുകളെ വാക്​സിനേറ്റ്​ ചെയ്​താൽ പുതിയൊരു രോഗവ്യാപന സാധ്യത തടയാമെന്ന്​ പ്രധാനമന്ത്രി ലീ സീൻ ലൂങ്​ പറഞ്ഞു. വാക്​സിൻ സ്വീകരിക്കാൻ കഴിയുന്ന മുഴുവനാളുകൾക്കും സിംഗപൂർ ദേശീയ ദിനമായ ആഗസ്​റ്റ്​ ഒമ്പതിനകം ഒരു ഡോസെങ്കിലും വാക്​സിൻ നൽകാനാണ്​ ലക്ഷ്യമിടുന്നതെന്നും അദ്ദേഹം പറഞ്ഞു. സിംഗപൂരിലെ മൂന്നിലൊന്ന്​ ആളുകൾക്ക്​ ഇതിനകം ഒരു ഡോസ്​ വാക്​സിനെങ്കിലും ലഭിച്ചിട്ടുണ്ട്​.

നേരത്തെയുണ്ടായിരുന്ന കോവിഡ്​ നിയന്ത്രണങ്ങൾ സിംഗപൂർ എടുത്തുകളഞ്ഞിരുന്നു. കോവിഡ്​ കേസുകളിൽ നേരിയ വർധന വന്നതോടെ മേയ്​ മാസത്തിൽ വീണ്ടും ചില നിയന്ത്രണങ്ങൾ ഏ​ർപ്പെടുത്തുകയായിരുന്നു. ജൂൺ 13 വരെയാണ്​ നിലവിലുള്ള നിയന്ത്രണങ്ങൾ. കോവിഡ്​ സ്​ഥിരീകരിക്കുന്നവരുടെ സമ്പർക്ക പട്ടിക ഉണ്ടാക്കി ക്വാറൻറീൻ ചെയ്യിക്കുന്നതടക്കമുള്ള പ്രതിരോധ നടപടികൾ സിംഗപൂർ ഇപ്പോഴും തുടരുന്നുണ്ട്​.

ഫൈസർ, മൊഡേണ വാക്​സിനുകളാണ്​ സിംഗപൂർ പ്രധാനമായും ഉപയോഗിക്കുന്നത്​. ജോൺസൺ & ജോൺസൺ, ആസ്​ട്രസെനിക, സിനോഫാം തുടങ്ങിയ വാക്​സിനുകൾ സ്വകാര്യ ആശുപത്രികളിൽ വിതരണം ചെയ്യാനുള്ള അനുമതി ഇന്ന്​ സിംഗപൂർ പ്രഖ്യാപിച്ചിട്ടുണ്ട്​.

സമീപ രാജ്യങ്ങളോട്​ താരതമ്യം ചെയ്യു​േമ്പാൾ സിംഗപൂരിലെ കോവിഡ്​ കേസുകൾ വളരെ കുറവാണ്​. തിങ്കളാഴ്​ച 16 പേർക്കാണ്​ ഇവിടെ കോവിഡ്​ സ്​ഥിരീകരിച്ചത്​. ഇൗ മാസം കൂടുതൽ കോവിഡ്​ കേസുകൾ സ്​ഥിരീകരിച്ചത്​ മേയ്​ 16 ന്​ ആയിരുന്നു. 38 പേർക്കാണ്​ അന്ന്​ കോവിഡ്​ സ്​ഥിരീകരിച്ചത്

Leave a Reply

Latest News

കാലടിയിൽനിന്ന് തടിയുമായി കണ്ണൂരിലേക്കു പോയ ലോറിയും പെരുമ്പാവൂരിൽനിന്ന് വിനീറുമായി കണ്ണൂരിലേക്കു പോയ ലോറിയും പിടികൂടി; രണ്ട് വാഹനങ്ങൾക്കുമായി 61,000 രൂപ പിഴ ചുമത്തി

കാലടിയിൽനിന്ന് തടിയുമായി കണ്ണൂരിലേക്കു പോയ ലോറിയും പെരുമ്പാവൂരിൽനിന്ന് വിനീറുമായി കണ്ണൂരിലേക്കു പോയ ലോറിയും പിടികൂടി. രണ്ട് വാഹനങ്ങൾക്കുമായി 61,000 രൂപ പിഴ ചുമത്തി. മറ്റു സംസ്ഥാനങ്ങളിൽ...

More News