തിരുവനന്തപുരം: പട്ടികജാതി സമൂഹത്തിനായി കേന്ദ്രസർക്കാർ അനുവദിക്കുന്ന പദ്ധതികൾ നടപ്പിലാക്കുന്നതിൽ സംസ്ഥാന സർക്കാർ ഗുരുതരമായ വീഴ്ച വരുത്തുന്നുവെന്നു കേന്ദ്ര സഹമന്ത്രി എ.നാരായണസ്വാമി.
കേന്ദ്രസർക്കാർ പട്ടികജാതി സമൂഹത്തിന്റെ പുരോഗതിക്ക് വേണ്ടി നിരവധി പദ്ധതികളാണ് രാജ്യത്ത് നടപ്പിലാക്കുന്നത്. എന്നാൽ കേന്ദ്രസർക്കാർ പദ്ധതികളുടെ ഗുണം കേരളത്തിലെ പട്ടികജാതിക്കാർക്ക് ലഭിക്കാതിരിക്കാനുള്ള കാരണം സംസ്ഥാന സർക്കാരാണെന്നും നാരായണ സ്വാമി പത്രസമ്മേളനത്തിൽ പറഞ്ഞു.
ജസ്റ്റീസ് രംഗനാഥ മിശ്ര കമ്മീഷൻ റിപ്പോർട്ട് നടപ്പിലാക്കാൻ കേന്ദ്രസർക്കാരിന് ഉദേശമില്ല. കേരളത്തിൽ ഇതുമായി ബന്ധപ്പെട്ട് നടക്കുന്ന കുപ്രചാരണങ്ങൾ തള്ളിക്കളയണം. സംസ്ഥാനത്ത് പട്ടികജാതി വിഭാഗത്തിന് നേരെയുള്ള അതിക്രമങ്ങൾ വർധിച്ചു വരുന്നു.
സംസ്ഥാന സർക്കാർ പട്ടികജാതി പീഡന നിയമം സംസ്ഥാനത്ത് കർശനമായി നടപ്പിലാക്കുന്നില്ലെന്നും എ.നാരായണ സ്വാമി പറഞ്ഞു.