Thursday, July 29, 2021

മാസ്ക്, വർ്കക് ഫ്രം ഹോം നിബന്ധനകൾ രാജ്യത്ത് ഇന്നുമുതൽ ഉണ്ടാകില്ല; ലോക്ക്ഡൗൺ നിയന്ത്രണങ്ങൾ അവസാനിപ്പിച്ച് ബ്രിട്ടൻ

Must Read

ലണ്ടൻ: കോവിഡ് മഹാമാരിയുടെ പശ്ചാതലത്തിൽ പ്രഖ്യാപിച്ച നിയന്ത്രണങ്ങൾക്കെല്ലാം ഇളവുനൽകി ബ്രിട്ടൻ. ഇംഗ്ലണ്ട് ലോക്ക്ഡൗൺ നിയന്ത്രണങ്ങൾ അവസാനിപ്പിച്ചെന്ന് യുകെ സർക്കാരിനെ ഉദ്ധരിച്ച് വാർത്താ ഏജൻസിയായ എഎഫ്പി റിപ്പോർട്ട് ചെയ്തു. അർദ്ധരാത്രി മുതലാണ് കോവിഡ് നിയന്ത്രണങ്ങളെല്ലാം അവസാനിപ്പിച്ചത്.

മാസ്ക്, വർ്കക് ഫ്രം ഹോം അടക്കമുള്ള നിബന്ധനകൾ രാജ്യത്ത് ഇന്നുമുതൽ ഉണ്ടാകില്ല. നൈറ്റ് ക്ലബ്ബുകളും ഇൻഡോർ വേദികളുമടക്കം മുഴുവൻ ആളുകളെയും ഉൾകൊള്ളിച്ചുകൊണ്ട് തുറക്കാം. കോവിഡ് കേസുകൾ അടിക്കടി കൂടുന്നതിനിടയിലാണ് നിയന്ത്രണങ്ങൾ അവസാനിപ്പിച്ചുകൊണ്ടുള്ള സർക്കാർ തീരുമാനം. പ്രതിദിന രോഗികളുടെ എണ്ണം അരലക്ഷത്തിന് മുകളിലുള്ള രാജ്യത്ത് ആരോഗ്യ വിദഗ്ധരുടെ എതിർപ്പുകൽ അവഗണിച്ചാണ് സർക്കാർ നിയന്ത്രണങ്ങൾ ഉപേക്ഷിച്ചിരിക്കുന്നത്.

വിവിധ ലോകരാജ്യങ്ങളിൽ കോവിഡ് വ്യാപനം വ്യത്യസ്ത നിലയിലായതിനാൽ വിദേശയാത്രകളെ ട്രാഫിക് ലൈറ്റ് സംവിധാനത്തിലൂടെ നിയന്ത്രിക്കാനാണ് ബ്രിട്ടന്റെ തീരുമാനം. ഇതനുസരിച്ച് വിവിധ രാജ്യങ്ങളെ റെഡ്, ആംബർ, ഗ്രീൻ എന്നിങ്ങനെ മൂന്നു വിഭാഗങ്ങളായി തിരിക്കും. ആംബർ ലിസ്റ്റിലുള്ള രാജ്യങ്ങളിലേക്ക് കഴിയുമെങ്കിൽ യാത്ര ചെയ്യരുതെന്നാണ് സർക്കാർ നിർദേശം. എന്നാൽ ഇന്നുമുതൽ അടിയന്തിര ഘട്ടങ്ങളിൽ യാത്രചെയ്യാം. റെഡ് ലിസ്റ്റിലുള്ള രാജ്യങ്ങളിലേക്ക് യാത്രചെയ്യാനേ പാടില്ല.

Leave a Reply

Latest News

കാലുള്ള നക്ഷത്രങ്ങൾ;ജന്മ അനുജന്മ നക്ഷത്രങ്ങൾ ഏതൊക്കെ? അവരുടെ നക്ഷത്ര നാഥൻമാർ ആരൊക്കെ ?ഏതൊക്കെ നക്ഷത്രത്തിനാണ് നക്ഷത്ര സന്ധി വരുന്നത് ?

നക്ഷത്രം അശ്വതി മുതൽ രേവതി വരേയുള്ള 27 നക്ഷത്രങ്ങൾ ഉണ്ട് അവ ഏതൊക്കെ എന്ന് നോക്കാം അശ്വതി, ഭരണി, കാർത്തിക ,രോഹിണി, മകീര്യം, തിരുവാതിര, പുണർതം, പൂയം,...

More News