Monday, June 21, 2021

ജോണ്‍സണ്‍ ആന്റ് ജോണ്‍സണ്‍സ് കമ്പനിയുടെ ബേബി പൗഡര്‍ കാന്‍സറിന് കാരണമായെന്ന പരാതിയില്‍ വീണ്ടും രോഗികള്‍ക്ക് ഒപ്പം നിന്ന് അമേരിക്കന്‍ കോടതി

Must Read

വാഷിംഗ്ടണ്‍: ജോണ്‍സണ്‍ ആന്റ് ജോണ്‍സണ്‍സ് കമ്പനിയുടെ ബേബി പൗഡര്‍ കാന്‍സറിന് കാരണമായെന്ന പരാതിയില്‍ വീണ്ടും രോഗികള്‍ക്ക് ഒപ്പം നിന്ന് അമേരിക്കന്‍ കോടതി. പരാതിക്കാരായ സ്ത്രീകള്‍ക്ക് 2.12 ബില്യണ്‍ ഡോളര്‍ (1,55,05,89,20,000 രൂപ ) നഷ്ടപരിഹാരമായി നല്‍കണമെന്ന നേരത്തെയുള്ള കോടതിവിധിക്കെതിരെ കമ്പനി സമര്‍പ്പിച്ച ഹരജി സുപ്രീം കോടതി തള്ളി.

22 സ്ത്രീകളായിരുന്നു കമ്പനിക്കെതിരെ പരാതിയുമായി രംഗത്തെത്തിയിരുന്നത്. ബേബി പൗഡറിലെ ആസ്ബറ്റോസിന്റെ അംശം ഗര്‍ഭാശയത്തിലെ കാന്‍സറിന് കാരണമായി എന്നായിരുന്നു പരാതി.

ഇവരുടെ പരാതികളെല്ലാം ഒരു വിചാരണയില്‍ പരിഗണിച്ച ജൂറി 4.69 ബില്യണ്‍ ഡോളറാണ് നഷ്ടപരിഹാരമായി ആദ്യം വിധിച്ചത്. പിന്നീട് മിസൗറി കോടതി ഇത് 2.12 ബില്യണ്‍ ഡോളറായി കുറക്കുകയായിരുന്നു.

2.5 ബില്യണ്‍ ഡോളര്‍ ഈ മാസം നല്‍കുമെന്ന് കമ്പനി പുറത്തുവിട്ട ഒരു പ്രസ്താവനയില്‍ പറഞ്ഞിരുന്നു. എന്നാല്‍ മറ്റു നിയമപ്രശ്‌നങ്ങള്‍ വിധിയിലുള്ളതിനാല്‍ കേസുമായി മുന്നോട്ടുപോകുമെന്നും സമാനമായ 19,000 പരാതികള്‍ തങ്ങള്‍ നേരിടുന്നുണ്ടെന്നും കമ്പനി നേരത്തെ ചില പ്രസ്താവനകളില്‍ പറഞ്ഞിരുന്നു.

Leave a Reply

Latest News

കാലടിയിൽനിന്ന് തടിയുമായി കണ്ണൂരിലേക്കു പോയ ലോറിയും പെരുമ്പാവൂരിൽനിന്ന് വിനീറുമായി കണ്ണൂരിലേക്കു പോയ ലോറിയും പിടികൂടി; രണ്ട് വാഹനങ്ങൾക്കുമായി 61,000 രൂപ പിഴ ചുമത്തി

കാലടിയിൽനിന്ന് തടിയുമായി കണ്ണൂരിലേക്കു പോയ ലോറിയും പെരുമ്പാവൂരിൽനിന്ന് വിനീറുമായി കണ്ണൂരിലേക്കു പോയ ലോറിയും പിടികൂടി. രണ്ട് വാഹനങ്ങൾക്കുമായി 61,000 രൂപ പിഴ ചുമത്തി. മറ്റു സംസ്ഥാനങ്ങളിൽ...

More News