Monday, January 17, 2022

രാജ്ഭവനിൽ ടോവിനോയുടെ ‘മിന്നൽ’ സന്ദർശനം; ; മകള്‍ ഇസക്ക് ആരിഫ് മുഹമ്മദ് ഖാന്‍റെ സ്നേഹ മുത്തം; ഗവർണറുമായുള്ള ചിത്രങ്ങൾ ഏറ്റെടുത്ത് സോഷ്യൽ മീഡിയ

Must Read

പുതുവത്സര ദിനാഘോഷ വേളയിൽ ഗവർണർ ആരിഫ് മുഹമ്മദ് ഖാനുമായി ‘ മിന്നൽ’ കൂടിക്കാഴ്ച നടത്തി നടൻ ടോവിനോ തോമസും കുടുംബവും. 2021 എന്ന മനോഹരമായ വർഷത്തിന് യാത്രപറയുന്ന ഈ ദിവസം ഗവർണറെ കാണാൻ കഴിഞ്ഞതിലുള്ള സന്തോഷവും ടോവിനോ തോമസ് പങ്കുവെച്ചു. രാജ്ഭവനിലെത്തിയ താരവും കുടുംബവും ഗവർണറുമായുള്ള നിരവധി ചിത്രങ്ങൾ സോഷ്യൽ മീഡിയയിൽ പങ്കുവെച്ചാണ് ഇക്കാര്യം അറിയിച്ചത്.

വളരെ നല്ലൊരു കൂടിക്കാഴ്ചയായിരുന്നുവെന്നും ഗവർണറെയും അദ്ദേഹത്തിന്റെ കുടുംബത്തെയും കാണാനും, നല്ല നിമിഷങ്ങൾ പങ്കിടാനും കഴിഞ്ഞതിൽ അതീവ സന്തോഷമുണ്ടെന്നും താരം പ്രതികരിച്ചു. കൂടാതെ ബഹുമാനപ്പെട്ട ഗവർണറുടെ കുടുംബാംഗങ്ങളിലും ‘മിന്നൽ മുരളി’യെ ഇഷ്ടപ്പെട്ടവരുണ്ടെന്ന് അറിയാൻ സാധിച്ചതിൽ പറഞ്ഞറിയിക്കാൻ സാധിക്കാത്ത ആഹ്ലാദമുണ്ടെന്നും ടോവിനോ പ്രതികരിച്ചു. അഭിമാനപൂർവമായ നിമിഷങ്ങൾക്ക് ഹൃദയത്തിൽ നിന്നും നന്ദി എന്ന് സൂചിപ്പിച്ചാണ് താരം ഇൻസ്റ്റഗ്രാം പോസ്റ്റിലൂടെ ഗവർണറുമായുള്ള ചിത്രം പങ്കുവെച്ചത്.

അതേസമയം താരം ഇക്കാര്യം പോസ്റ്റ് ചെയ്ത് മണിക്കൂറുകൾ പിന്നിടുമ്പോഴേക്കും ചിത്രങ്ങൾ സോഷ്യൽ മീഡിയ ഏറ്റെടുത്തുകഴിഞ്ഞിരുന്നു. ടോവിനോയുടെ ഭാര്യയും രണ്ടുമക്കളും ഗവർണറോടൊപ്പം നിൽക്കുന്ന ചിത്രത്തെ താരത്തിന്റെ ആരാധകർ ഇരുകയ്യും നീട്ടിയാണ് സ്വീകരിച്ചത്. ഫാമിലി ഫോട്ടോയേക്കാൾ മനോഹരമായ ചിത്രമെന്ന് പലരും പ്രതികരിച്ചു. സാധാരണക്കാരനെ പോലെ കുട്ടികളോടും നടനോടും പെരുമാറിയ ഗവർണറുടെ ലാളിത്യവും പോസ്റ്റുകൾക്ക് താഴെ ചർച്ചയായി.

അതേസമയം, മികച്ച പ്രേക്ഷകപിന്തുണ നേടി മിന്നല്‍മുരളി നെറ്റ്ഫ്ളിക്സിൽ വിജയകരമായി സ്ട്രീമിംഗ് തുടരുകയാണ്. ടോവിനോയെ സൂപ്പർ ഹീറോയാക്കി ബേസിൽ ജോസഫ് ആണ് ചിത്രം സംവിധാനം ചെയ്തത്. ഡിസംബർ 24ന് റിലീസ് ചെയ്ത ചിത്രം നെറ്റ്ഫ്ളിക്സ് ഇന്ത്യ ടോപ്പ് 10 ലിസ്റ്റിൽ ഒന്നാം സ്ഥാനത്ത് തുടരുകയാണ്. സമീപകാലത്ത് ഒരു ഇന്ത്യന്‍ റിലീസിനും നല്‍കാത്ത തരത്തിലുള്ള പ്രീ-റിലീസ് പബ്ലിസിറ്റി മിന്നൽ മുരളിയ്ക്ക് നെറ്റ്ഫ്ലിക്സ് നല്‍കിയിരുന്നു.

Leave a Reply

Latest News

‘ആൻഡ് ദ ഗോൾഡ് മെഡൽ ഫോർ ലോംഗ് ആൻഡ് ഹൈജംപ് ഗോസ് ടു…’; ഏഴടി ഉയരത്തിൽ കുതിച്ചു ചാടി മാൻ; അമ്പരന്ന് സോഷ്യൽ മീഡിയ, വീഡിയോ കാണാം

മാൻ പറക്കുന്നത് കേട്ടിട്ടുണ്ടോ ? അപ്പോൾ പിന്നെ കണ്ടിട്ടുണ്ടോ എന്ന് ചോദിക്കേണ്ട കാര്യമില്ലല്ലോ …? ഇപ്പോൾ ഒരു മാൻ വായുവിൽ ഏകദേശം ഏഴടി ഉയരത്തിൽ കുതിച്ചു...

More News