Wednesday, June 16, 2021

12നും 15നും ഇടയിൽ പ്രായമുള്ളവരിൽ ഫൈസർ വാക്സിൻ സുരക്ഷിതമാണെന്ന് ബ്രിട്ടൻ

Must Read

ഡിസംബറിൽ മാസ് ഇമ്യൂണൈസേഷൻ ഡ്രൈവ് ആരംഭിച്ച രാജ്യമാണ് ബ്രിട്ടൻ. മുതിർന്നവരിൽ പകുതിയിലധികം പേർക്കും ഇപ്പോൾ രണ്ട് ഡോസ് കുത്തിവെപ്പുകളും ലഭിച്ചിട്ടുണ്ട്​​. കൂടാതെ 75 ശതമാനം പേർക്കും കുറഞ്ഞത് ഒരു ഡോസെങ്കിലും ലഭിച്ചു. പ്രധാനമായും ഫൈസർ അല്ലെങ്കിൽ അസ്ട്രസെനെക്കയാണ്​ എല്ലാവരും എടുത്തിട്ടുള്ളത്​.
ബ്രിട്ടനിൽ നിന്നുള്ള പുതിയ വാർത്ത12നും 15നും ഇടയിൽ പ്രായമുള്ളവരിൽ ഫൈസർ വാക്​സിൻ സുരക്ഷിതമാണെന്ന്​ ബ്രിട്ടനിലെ മെഡിസിൻ റെഗുലേറ്ററി ഏജൻസി​ അറിയിച്ചതാണ്. മെഡിസിൻസ് ആൻഡ്​ ഹെൽത്ത് കെയർ പ്രൊഡക്ട്സ് റെഗുലേറ്ററി ഏജൻസിയാണ്​ (എം‌.എച്ച്‌.ആർ.‌എ) രണ്ട് ഡോസ്​ വാക്​സിനും എടുക്കാൻ അംഗീകാരം നൽകിയത്​.

സുരക്ഷ, ഗുണമേന്മ, ഫലപ്രാപ്തി എന്നിവയുടെ മാനദണ്ഡങ്ങൾ വാക്​സിൻ പാലിക്കുന്നുണ്ടെന്ന്​ അധികൃതർ അറിയിച്ചു. നേരത്തെ യൂറോപ്യൻ യൂനിയനും അമേരിക്കയും വാക്​സിൻ ഈ ​പ്രായക്കാരിൽ സുരക്ഷിതമാണെന്ന്​ അറിയിച്ചിരുന്നു. ബ്രിട്ടനിലെ പ്രതിരോധ കുത്തിവെപ്പ്​ സംബന്ധിച്ച സർക്കാർ സമിതിയാണ്​ ഇനി ഇവർക്ക്​ വാക്​സിൻ നൽകണോ, എപ്പോൾ​ നൽകണം തുടങ്ങിയ കാര്യങ്ങൾ തീരുമാനിക്കുക.

’12 മുതൽ 15 വയസ്സ്​ വരെയുള്ള കുട്ടികളിലെ പരീക്ഷണ ഫലങ്ങൾ ഞങ്ങൾ ശ്രദ്ധാപൂർവം അവലോകനം ചെയ്തു. ഈ പ്രായത്തിലുള്ളവർക്ക് ഫൈസർ വാക്സിൻ സുരക്ഷിതവും ഫലപ്രദവുമാണ്​. കൂടാതെ കോവിഡിനെ പ്രതിരോധിക്കാനും സാധിക്കുന്നുണ്ട്​’ -എം.എച്ച്​.ആർ.എ ചീഫ് എക്സിക്യൂട്ടീവ് ജൂൺ റെയിൻ പറഞ്ഞു.

അതേസമയം, 16 വയസ്സു മുതലുള്ള കൗമാരക്കാർക്ക്​ ഫൈസർ കോവിഡ്​ വാക്​സിൻ​ കുത്തിവെപ്പിന്​ നേരത്തെ അനുമതി നൽകിയ യൂറോപ്യൻ യൂനിയൻ അംഗങ്ങൾ ഈ മാസം മുതൽ 12-15 വയസ്സുകരിൽ വാക്​സിനേഷൻ തുടങ്ങും. അമേരിക്കയിൽ കൗമാരക്കാർക്ക് വാക്സിൻ നൽകുന്നത് ആരംഭിച്ചിട്ടുണ്ട്​.

Leave a Reply

Latest News

വൈക്കം ചെമ്മനാകരിയില്‍ ദമ്പതികളെ മരിച്ചനിലയില്‍ കണ്ടെത്തി

വൈക്കം: വൈക്കം ചെമ്മനാകരിയില്‍ ദമ്പതികളെ മരിച്ചനിലയില്‍ കണ്ടെത്തി. ചെമ്മനാകരി ആഞ്ചിലത്തറയില്‍ തങ്കച്ചന്‍ (58), ഭാര്യ ഓമന (54) എന്നിവരാണ് മരിച്ചത്. ഓമനയെ വീടിനുള്ളിലും തങ്കച്ചനെ മരത്തില്‍...

More News