ബെയ്ജിംഗ്: വിമാനത്താവളത്തിൽ നിന്നും പറന്നുയരുന്നതിനിടെ വിമാനത്തിന് തീപടർന്നു. ചൈനയിലാണ് സംഭവം. ടിബറ്റൻ എയർലൈൻസ് വിമാനത്തിനാണ് തീപിടിച്ചത്. സംഭവസമയം 113 യാത്രക്കാരും ഒൻപത് ജീവനക്കാരും വിമാനത്തിലുണ്ടായിരുന്നു.
ചൈനീസ് നഗരമായ ചോങ്ക്വിംഗില്നിന്ന് ടിബറ്റിലെ നൈഗ്ചിയിലേക്കു പോകാനൊരുങ്ങിയ വിമാനം റണ്വേയില്നിന്നു തെന്നിമാറി തീപിടിക്കുകയായിരുന്നു. ഉടന് തന്നെ രക്ഷാപ്രവര്ത്തകര് എത്തി തീ അണച്ചു. വിമാനത്തിലുണ്ടായിരുന്ന ചിലർക്ക് പരിക്കേറ്റതായാണ് വിവരം. ഇവരെ സുരക്ഷിതകേന്ദ്രങ്ങളിലേക്ക് മാറ്റി.