Tuesday, July 27, 2021

ദുരൂഹ സാഹചര്യത്തില്‍ വയോധികയെ മരിച്ച നിലയില്‍ കണ്ടെത്തി

Must Read

മലപ്പുറം: ദുരൂഹ സാഹചര്യത്തില്‍ വയോധികയെ മരിച്ച നിലയില്‍ കണ്ടെത്തി. മുട്ടത്തില്‍ ആയിഷ എന്ന 70കാരിയെയാണ് വീടിനുള്ളില്‍ രക്തം വാര്‍ന്ന് മരിച്ച നിലയില്‍ കണ്ടെത്തിയത്. മങ്കട രാമപുരത്താണ് സംഭവം.

വീട്ടിലെ ശൗചാലയത്തിലാണ് ആയിഷയെ മരിച്ച നിലയില്‍ കണ്ടെത്തിയത്. രാമപുരം ബ്ലോക്ക് പടിയില്‍ ആയിഷ ഒറ്റയ്ക്കായിരുന്നു താമസം. പകല്‍ ഇവര്‍ സ്വന്തം വീട്ടില്‍ കഴിയുകയും രാത്രി മകന്റെ വീട്ടിലേക്ക് പോവുകയുമായിരുന്നു പതിവ്. പേരക്കുട്ടികള്‍ എത്തിയാണ് ആയിഷയെ കൂട്ടിക്കൊണ്ടുപോകാറുള്ളത്. കഴിഞ്ഞ ദിവസം രാത്രി മകന്റെ വീട്ടിലേയ്ക്ക് കൂട്ടിക്കൊണ്ടുപോകാനായി പേരക്കുട്ടികള്‍ എത്തിയപ്പോഴാണ് സംഭവം കണ്ടത്.

വീടിനുള്ളില്‍ നിന്ന് പ്രതികരണം ഒന്നും ലഭിക്കാതിരുന്നതോടെ പേരക്കുട്ടികള്‍ വീടിനുള്ളില്‍ കയറി നോക്കിയപ്പോഴാണ് ആയിഷയെ ശൗചാലയത്തില്‍ രക്തം വാര്‍ന്ന് മരിച്ചനിലയില്‍ കണ്ടെത്തിയത്. ആയിഷയുടെ മരണത്തില്‍ ദുരൂഹതയുണ്ടെന്ന് ബന്ധുക്കള്‍ ആരോപിച്ചു. അന്വേഷണം ആരംഭിച്ചതായി മങ്കട പോലീസ് അറിയിച്ചു.

Leave a Reply

Latest News

ടീമില്‍ സ്ഥാനം നിലനിര്‍ത്തണം എങ്കില്‍ സഞ്ജുവിന് ഇന്ന് മികച്ച പ്രകടനം പുറത്തെടുക്കണം;ടി20 പരമ്പരയും സ്വന്തമാക്കുക ലക്ഷ്യമിട്ട് ശ്രീലങ്കക്കെതിരെ രണ്ടാം മത്സരത്തിന് ഇന്ത്യ ഇന്ന് ഇറങ്ങും

കൊളംബോ: ടീമില്‍ സ്ഥാനം നിലനിര്‍ത്തണം എങ്കില്‍ സഞ്ജുവിന് ഇന്ന് മികച്ച പ്രകടനം പുറത്തെടുക്കണം. ആദ്യ ടി20യില്‍ മികച്ച തുടക്കം ലഭിച്ചിട്ടും അത് മുതലാക്കാന്‍ സഞ്ജുവിന് കഴിഞ്ഞില്ല....

More News