Saturday, May 15, 2021

രാജ്യതലസ്ഥാനത്ത് പ്രഖ്യാപിച്ച ലോക്ഡൗൺ ഒരാഴ്ചത്തേക്ക് കൂടി നീട്ടിയേക്കും

Must Read

ന്യൂഡൽഹി: കോവിഡ് രണ്ടാം തരംഗത്തെ തുടർന്ന് രാജ്യതലസ്ഥാനത്ത് പ്രഖ്യാപിച്ച ലോക്ഡൗൺ ഒരാഴ്ചത്തേക്ക് കൂടി നീട്ടിയേക്കും. കോവിഡ് കേസുകളുടെ അഭൂതപൂർവ്വമായ കുതിച്ചു ചാട്ടത്തിൽ ഡൽഹിയിലെ ആരോഗ്യസംരക്ഷണ സംവിധാനങ്ങൾ താറുമാറായി കിടക്കുന്ന സ്ഥിതിയിൽ ലോക്ഡൗൺ നീട്ടുമെന്നാണ് അധികൃതർ നൽകുന്ന സൂചന.

ലോക്ഡൗൺ നീട്ടുന്നത് സംബന്ധിച്ച് ഡൽഹി ദുരന്ത നിവാരണ അതോറിറ്റി ഇന്ന് ഉത്തരവിറക്കിയേക്കും. മുഖ്യമന്ത്രി അരവിന്ദ് കെജ്രിവാൾ തിങ്കളാഴ്ച വരെ ആറു ദിവസത്തേക്കാണ് കഴിഞ്ഞ ആഴ്ച ലോക്ഡൗൺ പ്രഖ്യാപിച്ചത്.

‘ഞങ്ങൾ ഇപ്പോൾ ഒരു ലോക്ഡൗൺ പ്രഖ്യാപിച്ചില്ലെങ്കിൽ നമ്മൾ ഒരു വലിയ വിപത്തിനെ അഭിമുഖീകരിച്ചേക്കാം. സർക്കാർ നിങ്ങളെ പൂർണമായി പരിപാലിക്കും. സാഹചര്യം കണക്കിലെടുത്ത് ഞങ്ങൾ ഈ കടുത്ത തീരുമാനമെടുത്തു’ ലോക്ഡൗൺ പ്രഖ്യാപിച്ചുകൊണ്ട് കെജ്രിവാൾ പറയുകയുണ്ടായി.

ഓക്സിജൻ പ്രതിസന്ധി രൂക്ഷമായി ഡൽഹിയിലെ ആശുപത്രികളിൽ കൂട്ടമരണങ്ങൾക്കു വഴിവെച്ചതോടെ സംസ്ഥാനങ്ങളോട് സഹായം അഭ്യർഥിച്ചിരുന്നു അരവിന്ദ് കെജ്രിവാൾ.

English summery

The lockdown announced in the country’s capital may be extended for another week

Leave a Reply

Latest News

കോഴിക്കോട് ജില്ലയിലെ 12 തദ്ദേശസ്വയംഭരണ സ്ഥാപനങ്ങളെ അതീവ ഗുരുതര മേഖലകളായി പ്രഖ്യാപിച്ചു

കോഴിക്കോട്: കോവിഡ് രോഗബാധ വർധിച്ച സാഹചര്യത്തിൽ കോഴിക്കോട് ജില്ലയിലെ 12 തദ്ദേശസ്വയംഭരണ സ്ഥാപനങ്ങളെ അതീവ ഗുരുതര മേഖലകളായി ജില്ലാ കലക്ടർ എസ്. സാംബശിവറാവു പ്രഖ്യാപിച്ചു. ടെസ്റ്റ്...

More News