പാലക്കാട്: മേലാമുറിയിലെ ആര്എസ്എസ് നേതാവ് ശ്രീനിവാസനെ കടയില് കയറി വെട്ടിക്കൊലപ്പെടുത്തിയ സംഭവത്തില് പ്രതികളെക്കുറിച്ച് പോലീസിന് സൂചന ലഭിച്ചതായി വിവരം. പ്രദേശത്ത് നിന്ന് ശേഖരിച്ച സിസിടിവി ദൃശ്യങ്ങളിലൂടെയാണ് പ്രതികളെ തിരിച്ചറിയാനായത്.
ആറ് പേര് മൂന്ന് വാഹനങ്ങളിലായി ശ്രീനിവാസന്റെ കടയില് എത്തിയെന്നും മൂന്ന് പേര് കടക്കുള്ളില് കയറി ശ്രീനിവാസനെ ആക്രമിച്ചെന്നുമാണ് പോലീസ് പറയുന്നത്. പ്രതികളെ തിരിച്ചറിയാനാകുന്ന നിരവധി സിസിടിവി ദൃശ്യങ്ങള് പോലീസ് ശേഖരിച്ചിട്ടുണ്ട്.
ശ്രീനിവാസൻ മേലാമുറിയിലെ എസ്കെ ഓട്ടോസ് സ്ഥാപനമുടമയാണ്. കടയ്ക്കുള്ളിൽ ഇരിക്കവേയാണ് ആക്രമിച്ചു കൊലപ്പെടുത്തിയത്. വാളുകൊണ്ട് വെട്ടുകയായിരുന്നുവെന്നാണ് ദൃക്സാക്ഷികൾ പറഞ്ഞത്.