ഇലക്‌ട്രിക്ക് ശ്രേണിയിലേക്ക് പുതിയൊരു മോഡലിനെക്കൂടി അവതരിപ്പിച്ച്‌ ദക്ഷിണ കൊറിയന്‍ വാഹന നിര്‍മ്മാതാക്കളായ ഹ്യുണ്ടായി. ചൈനയില്‍ നടക്കുന്ന ഗ്വാങ്‌ഷോ ഓട്ടോഷോയിലാണ് മിസ്ട്ര എന്ന പുതിയ ഇലക്‌ട്രിക് സെഡാനെ കമ്ബനി പരിചയപ്പെടുത്തിയത്. ചൈനീസ് വിപണിക്കായി മാത്രമാണ് ഇത് രൂപകല്‍പ്പന ചെയ്തിരിക്കുന്നതെന്ന റഷ് ലൈന്‍ റിപ്പോര്‍ട്ട് ചെയ്യുന്നു,
ഏകദേശം 520 കിലോമീറ്റര്‍ മൈലേജാണ് സെഡാനില്‍ കമ്ബനി വാഗ്ദാനം ചെയ്യുന്നത്. ഹ്യുണ്ടായിയുടെയും BAIC-ന്റെയും സംയുക്ത സംരംഭമായ ബീജിംഗ്-ഹ്യുണ്ടായിയാണ് മിസ്ട്ര നിര്‍മിക്കുന്നത്. എല്‍ഇഡി ഹെഡ്‌ലാമ്ബുകള്‍, ക്രോം ഫിനിഷ്, ഒഴുകുന്ന ബോഡി വര്‍ക്ക്, വലിയ ഫ്രണ്ട് ഗ്രില്‍ എന്നിവയുള്ള സ്ലൈക്ക് സ്റ്റൈലിംഗാണ് ഈ ഇലക്‌ട്രിക് വാഹനത്തിന്റെ പ്രധാന സവിശേഷതകള്‍.2,770 മില്ലീമീറ്റര്‍ നീളമുള്ള വീല്‍ബേസ് ക്ലാസിലെ ഏറ്റവും മികച്ച ഇന്റീരിയര്‍ സ്പേസാണ് വാഹനത്തില്‍ വാഗ്ദാനം ചെയ്യുന്നതെന്ന് കമ്ബനി പറയുന്നു.
മിസ്ട്ര ഇലക്‌ട്രിക് സെഡാനില്‍ 1.8 ലിറ്റര്‍, 1.5 ലിറ്റര്‍ എന്നിങ്ങനെ രണ്ട് എഞ്ചിന്‍ ഓപ്ഷനുകളാണ് കമ്ബനി ഉള്‍പ്പെടുത്തിയിരിക്കുന്നത്. ആദ്യത്തേത് 141 bhp പവറും 176 Nm ടോര്‍ഖും ഉത്പാദിപ്പിക്കാന്‍ ശേഷിയുള്ളതാണ്. 1.5 ലിറ്റര്‍ എഞ്ചിന്‍ 168 bhp കരുത്തില്‍ 252 Nm ടോര്‍ക്കും ആണ് വികസിപ്പിക്കുന്നത്. 56.5 കിലോവാട്ട്സ് ബാറ്ററി പായ്ക്കാണ് ഇലക്‌ട്രിക് വേരിയന്റിന്റെ പ്രധാന ഭാഗം.ഇതിന്റെ പവര്‍, ടോര്‍ഖ് കണക്കുകള്‍ യഥാക്രമം 181 bhp, 310 Nm എന്നിങ്ങനെയാണ്. ഇലക്‌ട്രിക് മിസ്ട്ര 520 കിലോമീറ്റര്‍ മൈലേജാണ് വാഗ്ദാനം ചെയ്യുന്നത്.South Korean automaker Hyundai has introduced a new model to its electric range. The company unveiled the new electric sedan, the Mistra, at the Guangzhou Auto Show in China.
