Sunday, September 26, 2021

2011ലെ നിയമസഭാ തിരഞ്ഞെടുപ്പിൽ ഹരിപ്പാട്ട് രമേശ് ചെന്നിത്തലയെ തോൽപ്പിക്കാൻ സഹായം തേടി ഉമ്മൻ ചാണ്ടിയുടെ ദൂതൻ തന്നെ സമീപിച്ചിരുന്നതായി എസ്.എൻ.ഡി.പി യോഗം ജനറൽ സെക്രട്ടറി വെളളാപ്പളളി നടേശൻ

Must Read

തിരുവനന്തപുരം: 2011ലെ നിയമസഭാ തിരഞ്ഞെടുപ്പിൽ ഹരിപ്പാട്ട് രമേശ് ചെന്നിത്തലയെ തോൽപ്പിക്കാൻ സഹായം തേടി ഉമ്മൻ ചാണ്ടിയുടെ ദൂതൻ തന്നെ സമീപിച്ചിരുന്നതായി എസ്.എൻ.ഡി.പി യോഗം ജനറൽ സെക്രട്ടറി വെളളാപ്പളളി നടേശൻ കൗമുദി ടി.വിയുടെ സ്‌ട്രെയിറ്റ് ലൈൻ അഭിമുഖ പരിപാടിയിൽ വെളിപ്പെടുത്തി.

‘ഓർത്തഡോക്‌സ് സഭയുടെ ഏഴായിരത്തിലധികം വോട്ടുകൾ ഹരിപ്പാട് മണ്ഡലത്തിലുണ്ട്. അവർ മാറി വോട്ട് ചെയ്യും. നിങ്ങൾ കൂടി സഹായിച്ചാൽ രമേശ് ചെന്നിത്തലയെ തോൽപ്പിക്കാം’ എന്നാണ് ദൂതൻ പറഞ്ഞത്. ഉമ്മൻ ചാണ്ടിയാണ് ദൂതനെ പറഞ്ഞയച്ചതെന്ന് ഞാൻ പറയുന്നില്ല.എന്നാൽ വന്നയാൾ സഭയുടെ പ്രതിനിധിയായിരുന്നു. ആ പണിക്ക് ഞങ്ങളില്ലെന്നും ദൂതനോട് പറഞ്ഞു- വെളളാപ്പളളി വ്യക്തമാക്കി. ഓർത്തഡോക്‌സ് സഭാംഗമാണ് ഉമ്മൻ ചാണ്ടി.

കെ.പി.സി.സി പ്രസിഡന്റായിരുന്ന വി.എം. സുധീരന്റെ ആവശ്യപ്രകാരം അന്നത്തെ ആഭ്യന്തര മന്ത്രി രമേശ് ചെന്നിത്തല എന്നെ അറസ്റ്റ് ചെയ്‌ത് അകത്തിടാൻ നോക്കി. ഈഴ​വ​നാ​യ​ ​സു​ധീ​ര​ൻ​ ​ഈഴ​വ​നാ​യ​ ​എ​ന്നെ​ ​എ​തി​ർ​ത്താ​ൽ​ ​മ​റ്റ് ​സ​മു​ദാ​യ​ങ്ങളുടെ​ ​പി​ന്തു​ണ​ ​ല​ഭി​ക്കു​മെ​ന്ന​ ​രാ​ഷ്ട്രീ​യ​ ​അ​ട​വു​ന​യ​മാ​ണ് ​പ​യ​റ്റിയ​ത്.​ ​രമേശ് ചെന്നിത്തല പിന്നിൽ നിന്നാണ് കുത്തിയതെങ്കിൽ ഉമ്മൻ ചാണ്ടി മുന്നിൽ നിന്ന് കുത്തി. ​കേരള കോൺഗ്രസ്- മാണി വിഭാഗത്തിന് ലഭിച്ച​ ​പൗ​ൾ​ട്രി​ ​ഡെ​വ​ല​പ്‌​മെ​ന്റ് ​കോ​ർ​പ്പ​റേ​ഷ​ൻ​ ​ചെ​യ​ർ​മാ​ൻ​ ​സ്ഥാ​നം​ ​കെ.​എം.​ ​മാ​ണി​യും​ ​ഞാനു​മാ​യു​ള്ള​ ​ധാ​ര​ണ​ ​പ്ര​കാ​രം​ ​ഈ​ഴ​വ​ ​സ​മു​ദാ​യ​ത്തി​നാ​ണ് ​ന​ൽ​കി​യ​ത്.​ ​അ​ത് ​ഉ​മ്മ​ൻ​ചാ​ണ്ടി​ ​​തി​രി​ച്ചെ​ടു​ത്ത് ​മാനസപുത്രന് നൽകി.​ ​ഇക്കാര്യം .മാണിയോട് ചോദിച്ചപ്പോൾ ,വിഷമമുണ്ടെന്നും താൻ ബലഹീനനാണെന്നുമാണ് അദ്ദേഹം പറഞ്ഞത്.ശക്തനും കരുത്തനുമാണ് പിണറായി വിജയൻ. പാ‌ർട്ടിയെ ഒന്നാക്കി നിറുത്തിയത് ആ ഉരുക്കു മനുഷ്യനാണ്. ഗ്രൂപ്പ് വഴക്കു കാരണം ഛിന്നഭിന്നമായ പാ‌ർട്ടിയെ ഒന്നാക്കാൻ സാക്ഷാൽ സർദാർ പട്ടേലിന്റെ പ്രതിരൂപനായാണ് പിണറായി പ്രവർത്തിച്ചത്- വെളളാപ്പളളി പറഞ്ഞു.

Leave a Reply

Latest News

കരിപ്പൂര്‍ സ്വര്‍ണക്കടത്ത്‌ കേസില്‍ കൊടുവള്ളി സ്വദേശികള്‍ക്ക്‌ ബംഗളുരുവില്‍ ഒളിത്താവളമൊരുക്കിയയാള്‍ അറസ്‌റ്റില്‍

മലപ്പുറം: കരിപ്പൂര്‍ സ്വര്‍ണക്കടത്ത്‌ കേസില്‍ കൊടുവള്ളി സ്വദേശികള്‍ക്ക്‌ ബംഗളുരുവില്‍ ഒളിത്താവളമൊരുക്കിയയാള്‍ അറസ്‌റ്റില്‍. കൊടുവള്ളി സ്വദേശി മുഹമ്മദ്‌ ബഷീറി(ചിന്നന്‍ ബഷീര്‍ 47) നെയാണ്‌ ബംഗളുരുവില്‍നിന്നു പ്രത്യേക അന്വേഷണ...

More News