ഭഗൽപുർ: ബിഹാറിലെ ഭഗൽപുരിൽ മൂന്ന് നിലകെട്ടിടത്തിലുണ്ടായ സ്ഫോടനത്തിൽ ഏഴു പേർ മരിച്ചു. 10 പേർക്ക് പരിക്കേറ്റു. സ്ഫോടനത്തിൽ തകർന്ന കെട്ടിടത്തിനുള്ളിൽ 15 പേർ കുടുങ്ങിയതായി പോലീസ് പറയുന്നു.
പരിക്കേറ്റവരെ മായാഗഞ്ചിലെ ജെഎൽഎൻ ആശുപത്രിയിൽ പ്രവേശിപ്പിച്ചു. സമീപത്തുള്ള മൂന്ന് വീടുകൾക്ക് സ്ഫോടനത്തിൽ കേടുപാടുണ്ടായി. പടക്ക നിർമാണത്തിനിടെയാണ് സ്ഫോടനം ഉണ്ടായതെന്ന് പറയുന്നു.
കെട്ടിടത്തിൽ സൂക്ഷിച്ചിരിന്ന നാടൻ ബോംബുകൾ, വെടിമരുന്ന്, പടക്കങ്ങൾ എന്നിവയാണ് സ്ഫോടനത്തിനു കാരണമായതെന്ന് ഭഗൽപുർ റേഞ്ച് ഡിഐജി സുജിത് കുമാർ പറഞ്ഞു.