റിയാദ്: സാമ്പത്തിക തട്ടിപ്പുകളില് നിന്ന് ബാങ്ക് ഇടപാടുകാരെ സംരക്ഷിക്കുന്നതിനായി സൗദി കേന്ദ്ര ബാങ്ക് (സാമ) ഏര്പ്പെടുത്തിയ താല്ക്കാലിക നിയന്ത്രണങ്ങള് പിന്വലിച്ചു. ഓണ്ലൈന് വഴി ബാങ്ക് അക്കൗണ്ടുകള് തുറക്കാന് ഏര്പ്പെടുത്തിയ താല്ക്കാലിക വിലക്കും നീക്കിയതില് ഉള്പ്പെടും.
വ്യാജ അക്കൗണ്ടുകളുപയോഗിച്ച് തട്ടിപ്പ് വ്യാപകമായതിനെ തുടര്ന്നാണ് വിലക്കേര്പ്പെടുത്തിയിരുന്നത്. അന്താരാഷ്ട്ര ട്രാന്സ്ഫറുകള്ക്കും പുതിയ ബെനഫിഷ്യ റികള് ആഡ് ചെയ്യുന്നതിനും മാനദണ്ഡങ്ങളില് മാറ്റം വരുത്തിയിരുന്നു. ഇതും പഴയ രീതിയില് തന്നെ പുനസ്ഥാപിച്ചിട്ടുണ്ട്.
പ്രതിദിന കൈമാറ്റത്തിനുള്ള പരിധിയും പഴയ രീതിയിലേക്ക് പുനസ്ഥാപിച്ചു. എന്നാല് വ്യക്തികള്ക്ക് തങ്ങളുടെ അക്കൗണ്ടുകള് വഴിയുള്ള പരിധി നിശ്ചയിക്കാമെന്നും ഇതിനായി ബാങ്കുകളെ സമീപിക്കാമെന്നും സാമ വിശദീകരിച്ചു.