Sunday, June 20, 2021

എച്ച്.ഡി.എഫ്.സിക്ക് 10 കോടി രൂപ പിഴയിട്ട് റിസർവ് ബാങ്ക്; വാഹന വായ്പ ക്രമക്കേടുമായി ബന്ധപ്പെട്ടാണ് പിഴ

Must Read

മുംബൈ: സ്വകാ​ര്യ ബാങ്കായ എച്ച്​.ഡി.എഫ്​.സിക്ക്​ 10 കോടി രൂപ പിഴയിട്ട്​ റിസർവ്​ ബാങ്ക്​. ബാങ്കി​െൻറ വാഹന വായ്​പ ക്രമക്കേടുമായി ബന്ധപ്പെട്ടാണ്​ പിഴ. പരാതിയെ തുടർന്ന്​​ കഴിഞ്ഞവർഷം എച്ച്​.ഡി.എഫ്​.സി ആറു ജീവനക്കാരെ പിരിച്ചുവിട്ടിരുന്നു. നിർദിഷ്​ട വ്യക്തിയിൽനിന്ന്​ ജി.പി.എസ്​ ഉപകരണം വാങ്ങാൻ വായ്​പക്കാരെ ബാങ്ക്​ നിർബന്ധിച്ചുവെന്നായിരുന്നു പരാതി. ഇതി​െൻറ പശ്ചാത്തലത്തിൽ ബാങ്കി​െൻറ വാഹന വായ്​പ മേധാവി അശോക്​ ഖന്ന സ്​ഥാനമൊഴിയുകയും ചെയ്​തിരുന്നു.

ബാങ്കിങ്​ നിയമത്തി​െൻറ​ ലംഘനത്തെ തുടർന്നാണ്​ പിഴയിട്ടത്​. നിയമത്തിലെ സെക്ഷൻ 6(2), സെക്ഷൻ 8 എന്നിവ ലംഘിച്ചുവെന്നാണ്​ പരാതി.

റിസർവ്​ ബാങ്കിന്​ ലഭിച്ച പരാതിയുടെ അടിസ്​ഥാനത്തിൽ ബാങ്കി​െൻറ വാഹന വായ്​പ പോർട്ട്​ഫോളിയോയിലെ ക്രമക്കേടുകളുമായി ബന്ധപ്പെട്ട്​ വിവിധ രേഖകൾ പരിശോധനക്ക്​ വിധേയമാക്കിയിരുന്നു. മാർക്കറ്റിങ്​ രേഖകളും ഉപഭോക്താക്കളുടെ തേർഡ്​ പാർട്ടി സാ​മ്പത്തികയിതര ഉൽപ്പന്നങ്ങളുടെ രേഖകളുമാണ്​ പരിശോധിച്ചത്​. ഇതി​െൻറ അടിസ്​ഥാനത്തിലാണ്​ പിഴയിട്ടത്​. ബാങ്കിന്​ റിസർവ്​ ബാങ്കി​െൻറ കത്ത്​ ലഭിച്ചിട്ടുണ്ടെന്നും അത്​ അനുസരിക്കുമെന്നും എച്ച്​.ഡി.എഫ്​.സി വക്താവ്​ പറഞ്ഞു.

പരാതിയിൽ ബാങ്കിന്​ ആർ.ബി.ഐ കാരണം കാണിക്കൽ നോട്ടീസ്​ അയച്ചിരുന്നു. തുടർന്ന്​ നോട്ടീസിലെ മറുപടി പരിശോധിക്കുകയും വ്യക്തിഗത വാദം കേൾക്കലും നടത്തുകയും ചെയ്​ത​തിന്​ ശേഷം ബാങ്കിൽ ക്രമക്കേട്​ നടന്നുവെന്ന്​ കണ്ടെത്തിയതോടെ പിഴ ചുമത്തുകയായിരുന്നുവെന്നും ആർ.ബി.ഐ പറഞ്ഞു. അതേസമയം ബാങ്കി​െൻറ ഇടപാടുകളോ കരാറുകളോ ഉപഭോക്താക്കളുമായി ബന്ധപ്പെട്ടവയോ ചോദ്യം ചെയ്യപ്പെടുന്നില്ലെന്നും റിസർവ്​ ബാങ്ക്​ പറഞ്ഞു.

Leave a Reply

Latest News

മഹാരാഷ്ട്രയെ ആശങ്കയിലാഴ്ത്തി ഒന്നിലധികം ഡെല്‍റ്റ പ്ലസ് വകഭേദം

മുംബൈ: കോവിഡ് രണ്ടാം തരംഗത്തിന്റെ പിടിയില്‍ നിന്ന് കരകയറുന്ന മഹാരാഷ്ട്രയെ ആശങ്കയിലാഴ്ത്തി ഒന്നിലധികം ഡെല്‍റ്റ പ്ലസ് വകഭേദം ബാധിച്ച കേസുകള്‍ കണ്ടെത്തി. രത്‌നഗിരി, നവി മുംബൈ,...

More News