Thursday, July 29, 2021

കുപ്രസിദ്ധ കുറ്റവാളിയുടെ ജന്മദിനാഘോഷത്തിൽ പങ്കെടുത്ത മുതിർന്ന പോലീസ് ഇൻസ്‌പെക്ടർക്ക് സ്ഥലംമാറ്റം

Must Read

മുംബൈ: കുപ്രസിദ്ധ കുറ്റവാളിയുടെ ജന്മദിനം ആഘോഷ ചടങ്ങിൽ പങ്കെടുത്ത വീഡിയോ വൈറലായതോടെ മുതിർന്ന പോലീസ് ഇൻസ്‌പെക്ടർക്ക് സ്ഥലംമാറ്റം. കേക്ക് മുറിക്കുന്നതിൻറെ ഉൾപ്പെടെയുള്ള വീഡിയോ ദൃശ്യങ്ങൾ വൈറലായി മണിക്കൂറുകൾക്കകമാണ് നടപടി.പോലീസ് കൺട്രോൾ റൂമിലേക്കാണ് സ്ഥലം മാറ്റം.

ജോഗേശ്വരി പോലീസ് സ്‌റ്റേഷനിലെ ഇൻസ്‌പെക്ടറായ മഹേന്ദ്ര നെർലേക്കർക്കെതിരെയാണ് നടപടി. കൊലപാതക കേസുകളിൽ അടക്കം പ്രതിയായ ഡാനിഷ് ഷെയ്ക്കിനൊപ്പം ഇയാൾ ജന്മദിനം ആഘോഷിക്കുന്ന വീഡിയോയാണ് പുറത്തുവന്നത്. പ്രതിയായ ഡാനിഷിന്റെ വായിൽ കേക്ക് വെച്ചു നൽകുന്നതും ആശംസിക്കുന്നതും വീഡിയോയിൽ ദൃശ്യമായിരുന്നു.

ദിവസങ്ങൾക്ക് മുമ്പുള്ളതാണ് ആഘോഷം. എന്നാൽ ദൃശ്യങ്ങൾ വ്യാഴാഴ്ചയോടെയാണ് വൈറലായത്. ജോഗേശ്വരി ഹൗസിങ് സൊസൈറ്റിയിലായിരുന്നു ജന്മദിന ആഘോഷ ചടങ്ങ് നടന്നത്. ആഘോഷത്തിൽ പോലീസുകാരനും പങ്കുചേരുകയായിരുന്നു. സംഭവത്തിൽ നെർലേക്കർ ഇതുവരെ പ്രതികരിച്ചിട്ടില്ല.

വീഡിയോ സമൂഹമാദ്ധ്യമങ്ങളിൽ വ്യാപക വിമർശനങ്ങൾക്ക് വഴിയൊരുക്കിയിരുന്നു. ഇൻസ്‌പെക്ടർക്കെതിരെ ഡിവിഷനൽ അസിസ്റ്റൻറ് കമീഷണർ വകുപ്പുതല അന്വേഷണവും പ്രഖ്യാപിച്ചിട്ടുണ്ട്. ജന്മദിനാഘോഷത്തിൻറെ വീഡിയോ ദൃശ്യങ്ങൾ ബി.ജെ.പി എം.പി കിരിത് സോമയ്യ ട്വിറ്ററിൽ പങ്കുവെച്ചിരുന്നു.

Leave a Reply

Latest News

കാലുള്ള നക്ഷത്രങ്ങൾ;ജന്മ അനുജന്മ നക്ഷത്രങ്ങൾ ഏതൊക്കെ? അവരുടെ നക്ഷത്ര നാഥൻമാർ ആരൊക്കെ ?ഏതൊക്കെ നക്ഷത്രത്തിനാണ് നക്ഷത്ര സന്ധി വരുന്നത് ?

നക്ഷത്രം അശ്വതി മുതൽ രേവതി വരേയുള്ള 27 നക്ഷത്രങ്ങൾ ഉണ്ട് അവ ഏതൊക്കെ എന്ന് നോക്കാം അശ്വതി, ഭരണി, കാർത്തിക ,രോഹിണി, മകീര്യം, തിരുവാതിര, പുണർതം, പൂയം,...

More News