പുതുക്കാട് സ്റ്റേഷനില്‍ സ്‌പെഷല്‍ ട്രെയിനിന് സ്റ്റോപ്പ്

പുതുക്കാട്: ഈ മാസം 23ന് ബംഗളൂരുവില്‍ നിന്ന് പുറപ്പെടുന്ന സ്‌പെഷല്‍ ട്രെയിനിന് പുതുക്കാട് സ്റ്റേഷനില്‍ സ്റ്റോപ്പ് അനുവദിച്ചു. 24ന് രാവിലെ 6.05 ന് കന്യാകുമാരിയിലേക്ക് ഉള്ള ട്രെയിന്‍ എത്തിച്ചേരും. കോട്ടയം, തിരുവനന്തപുരം വഴിയാണ് സര്‍വീസ്. തിരിച്ച്‌ ബംഗളൂരുവിലേക്കുള്ള സര്‍വീസ് രാത്രി 7. 20 ന് പുതുക്കാട് സ്റ്റേഷനില്‍ എത്തും. ടിക്കറ്റുകള്‍ www.irctc.co.in എന്ന വെബ്ബ്‌സൈറ്റ് വഴി ബുക്ക് ചെയ്യാവുന്നതാണ്. സ്റ്റേഷനില്‍ നിന്ന് ടിക്കറ്റുകള്‍ ലഭിക്കുന്നതല്ല. പുതുക്കാട് തിരഞ്ഞെടുക്കുമ്ബോള്‍ (PUK or PUDUKAD) എന്ന് ടൈപ്പ് ചെയ്ത് യാത്ര ചെയ്യേണ്ട തീയതി ടൈപ്പ് ചെയ്ത് ഓണ്‍ലൈന്‍ ബാങ്കിംഗ്, എ.ടി.എം കാര്‍ഡ് വഴി പണം അടക്കാവുന്നതാണ്.ഈ 23 മുതല്‍ ബംഗളൂരുവില്‍ നിന്നും 24 മുതല്‍ പുതുക്കാട്,​ കോട്ടയം,​ തിരുവനന്തപുരം,​ കന്യാകുമാരി റൂട്ടിലും 25 മുതല്‍ കന്യാകുമാരി,​ തിരുവനന്തപുരം,​ കോട്ടയം,​ പുതുക്കാട്,​ ബംഗളൂരു റൂട്ടുകളിലും ടിക്കറ്റുകള്‍ ബുക്ക് ചെയ്യാം. കൊവിഡ് മാനദണ്ഡ പ്രകാരം എല്ലാ മുന്‍കരുതലും പുതുക്കാട് റെയില്‍വേ സ്റ്റേഷനില്‍ എര്‍പ്പെടുത്തിയിട്ടുണ്ട്. സ്റ്റേഷനില്‍ യാത്രക്കാര്‍ക്കും ജീവനക്കാര്‍ക്കും കൊവിഡ് സുരക്ഷക്കായി വൈസ് മെന്‍ ക്ലബ് ഒഫ് പുതുക്കാട് ടൗണിന്റെ നേതൃത്വത്തില്‍ കേച്ചേരി വിദ്യ എന്‍ജിനീയറിംഗ് കോളേജ് സ്‌കില്‍ സെന്റര്‍ നിര്‍മ്മിച്ച ഫൂട്ട് സാനിറ്റൈസറുകള്‍ സ്റ്റേഷനില്‍ ക്രമീകരിക്കും. സ്റ്റേഷനിലെ പ്രധാന പ്രവേശന കവാടത്തിലൂടെ മാത്രമാണ് സ്റ്റേഷനിലേക്ക് പ്രവേശനം അനുവദിച്ചിരിക്കുന്നത്. ബംഗളൂരു,​ കന്യാകുമാരി സ്‌പെഷല്‍ ട്രെയിന്‍ ഈ മാസം 23 മുതല്‍ 30 വരെയും കന്യാകുമാരി ബംഗളൂരു സ്‌പെഷല്‍ ട്രെയിന്‍ 25 മുതല്‍ അടുത്ത മാസം രണ്ടാം തീയതിവരെയുമാണ് സര്‍വീസ് നടത്തുന്നത്.Pudukkad: The special train leaving Bangalore on the 23rd of this month will be allowed to stop at Pudukkad station. 6.05 am on the 24th