Saturday, May 15, 2021

ഫൈസർ വാക്സിൻ സ്വീകരിച്ച് ഒരാഴ്ചക്ക് ശേഷം കലിഫോർണിയയിൽ നഴ്സിന് കോവിഡ് ബാധിച്ചതായി റിപ്പോർട്ട്

Must Read

വാഷിങ്ടൺ: ഫൈസർ വാക്സിൻ സ്വീകരിച്ച് ഒരാഴ്ചക്ക് ശേഷം കലിഫോർണിയയിൽ നഴ്സിന് കോവിഡ് ബാധിച്ചതായി റിപ്പോർട്ട്. എന്നാൽ, ഫൈസർ വാക്സിന് ശരീരത്തിൽ പ്രതിരോധ ശേഷി നിർമിച്ചെടുക്കാൻ കൂടുതൽ സമയം ആവശ്യമാണെന്ന് വിദഗ്ധർ പറയുന്നു.

45കാരനായ മാത്യു എന്ന നഴ്സിനാണ് വാക്സിനെടുത്തിന് ശേഷം കോവിഡ് സ്ഥിരീകരിച്ചത്. ഡിസംബർ 18നാണ് മാത്യു ഫൈസർ വാക്സിൻ സ്വീകരിച്ചത്. ഇദ്ദേഹത്തിന് മറ്റ് പാർശ്വഫലങ്ങളൊന്നും ഉണ്ടായിരുന്നില്ല.

കോവിഡ് സെന്‍ററിൽ ജോലിചെയ്യുന്ന മാത്യുവിന് ആറ് ദിവസത്തിന് ശേഷം ക്രിസ്മസ് രാത്രിയിൽ അസുഖം അനുഭവപ്പെടുകയായിരുന്നു. പിന്നീട്, പേശീവേദനയും ക്ഷീണവും ഉണ്ടായി. തൊട്ടടുത്ത ദിവസം നടത്തിയ പരിശോധനയിലാണ് കോവിഡ് സ്ഥിരീകരിച്ചത്.

എന്നാൽ, ഇത് പ്രതീക്ഷിക്കാത്ത ഒന്നല്ല എന്നാണ് ആരോഗ്യരംഗത്തെ വിദഗ്ധർ പറയുന്നത്. ശരീരത്തിൽ പ്രതിരോധ ശേഷി ഉൽപ്പാദിപ്പിക്കാൻ വാക്സിൻ 10 മുതൽ 14 വരെ ദിവസം എടുക്കുമെന്നാണ് ചൂണ്ടിക്കാട്ടുന്നത്. ആദ്യ ഡോസ് 50 ശതമാനം സുരക്ഷയാണ് നൽകുക. രണ്ടാമത്തെ ഡോസ് 95 ശതമാനം സുരക്ഷ നൽകുമെന്നും വിദഗ്ധർ പറയുന്നു.

English summary

One week after receiving the Pfizer vaccine, a nurse in California was diagnosed with Kovid

Leave a Reply

Latest News

മുൻ കേരള ഗവർണർ ആർ.എൽ. ഭാട്ടിയ കോവിഡ് ബാധിച്ച് മരിച്ചു

ന്യൂഡൽഹി: മുൻ കേന്ദ്ര​മന്ത്രിയും കേരള ഗവർണറുമായിരുന്ന ആർ.എൽ. ഭാട്ടിയ അന്തരിച്ചു. 100 വയസായിരുന്നു. കോവിഡ്​ ബാധിച്ചതിനെ തുടർന്ന്​ അമൃത്​സറിലെ ഫോർട്ടിസ്​ ആശുപത്രിയിൽ ചികിത്സയിലായിരുന്നു അദ്ദേഹം. 2004 മുതൽ...

More News