Sunday, September 26, 2021

ഇനി അങ്കം മുറുകുന്നത് കോൺഗ്രസിന്റെ പോഷക സംഘടനകളിൽ

Must Read

ഇനി അങ്കം മുറുകുന്നത് കോൺഗ്രസിന്റെ പോഷക സംഘടനകളിൽ. ഏതാണ്ട് നിർജ്ജീവാവസ്ഥയിലായ യൂത്ത് കോൺഗ്രസ്, മഹിളാ കോൺഗ്രസ്, കെഎസ്‌യു എന്നിവ പുനഃസംഘടിപ്പിക്കണമെന്ന ആവശ്യം വിവിധ തലങ്ങളിൽ ശക്തമായിക്കഴിഞ്ഞു. മഹിളാ കോൺഗ്രസ് അദ്ധ്യക്ഷയായിരുന്ന ലതിക സുഭാഷ് പദവിയും പാർട്ടിയിലെ പ്രാഥമികാംഗത്വവും രാജിവച്ച് എൻസിപിയിൽ ചേർന്നതോടെ സംഘടന മിക്കവാറും അനാഥാവസ്ഥയിലാണ്. ലതിക സുഭാഷ് ഒഴിഞ്ഞിട്ട് മാസങ്ങളായിട്ടും ആ സ്ഥാനത്തേക്ക് പകരം ആളെ കണ്ടെത്താൻ കെപിസിസി നേതൃത്വം മെനക്കെടാത്തതു തന്നെ, പോഷക സംഘടനകളോടുള്ള മനോഭാവത്തിനു തെളിവാണെന്നാണ് പ്രവർത്തകർ പറയുന്നു. മാതൃസംഘടനയിലെ കലഹമൊഴിഞ്ഞിട്ടു വേണ്ടേ ശേഷിക്കുന്നതിന്റെ കാര്യമന്വേഷിക്കാൻ എന്നതു വേറൊരു കാര്യം.

യൂത്ത് കോൺഗ്രസിൽ സംഘടനാ തെരഞ്ഞെടുപ്പ് നടന്നെങ്കിലും, ഗ്രൂപ്പ് നേതാക്കളുടെ ഇഷ്ടക്കാരെ സംസ്ഥാന എക്സിക്യൂട്ടീവിലേക്കും മറ്റും നോമിനേറ്റ് ചെയ്യുന്ന പതിവ് രീതി പുതുക്കുക മാത്രമാണ് യഥാർത്ഥത്തിൽ സംഭവിച്ചത്. കമ്മിറ്റികൾ പലയിടത്തും ഗ്രൂപ്പ് വീതംവയ്പിന്റെ അടിസ്ഥാനത്തിൽ സമവായ കമ്മിറ്റികളായി. എംഎൽഎ കൂടിയായ സംസ്ഥാന പ്രസിഡന്റ് ഷാഫി പറമ്പിൽ സ്ഥാനമൊഴിഞ്ഞ് യോഗ്യരായ മറ്റാരെയെങ്കിലും ഏൽപ്പിക്കണമെന്നും സംഘടനയിൽ ശക്തമായ അഭിപ്രായമുണ്ട്.

കാലാവധി പൂർത്തിയായിട്ട് വർഷങ്ങൾ കഴിഞ്ഞ കെഎസ്‌യു കമ്മിറ്റികൾ പിരിച്ചുവിടണമെന്നും പുതിയവയെ രൂപവത്കരിക്കണമെന്നും കെഎസ്‌യു പ്രസിഡന്റായി നിയമിതനായതിനു പിന്നാലെ കെഎം അഭിജിത് പാർട്ടി നേതൃത്വത്തോട് ആവശ്യപ്പെട്ടെങ്കിലും ഗൗനിച്ചില്ല. യൂത്ത് കോൺഗ്രസ് ‑കെഎസ്യു പുനഃസംഘടനയ്ക്കു മുതിർന്നാൽ ഗ്രൂപ്പുകൾ കണക്കു തീർക്കുന്നത് തെരുവിലായിരിക്കുമെന്ന് മുൻ അനുഭവങ്ങളിൽ നിന്നു ബോദ്ധ്യമുള്ളതുകൊണ്ടാണ് കെപിസിസി നേതൃത്വം ആ വശം മനഃപൂർവമായിത്തന്നെ വിട്ടുകളയുന്നത്. എന്നാൽ, ഡിസിസി പുന: സംഘടനയുടെ പശ്ചാത്തലത്തിൽ, തങ്ങളുടെ ആവശ്യം ശക്തമായിത്തന്നെ കെപിസിസി നേതൃത്വത്തിന്റെയും ദേശീയ നേതൃത്വങ്ങളുടെയും മുന്നിൽ കൊണ്ടുവരാനാണ് പോഷക സംഘടനകളിലെ സമാന ചിന്താഗതിയുള്ള വലിയൊരു വിഭാഗത്തിന്റെ തയ്യാറെടുപ്പ്.

Leave a Reply

Latest News

ആരാധകരിൽ ആവേശം നിറച്ച് മോഹൻലാലിന്റെ പുതിയ ചിത്രം സോഷ്യൽ മീഡിയയിൽ വൈറലാകുന്നു

തിരുവനന്തപുരം: ആരാധകരിൽ ആവേശം നിറച്ച് മോഹൻലാലിന്റെ പുതിയ ചിത്രം സോഷ്യൽ മീഡിയയിൽ വൈറലാകുന്നു. കെസിടി 4455 എന്ന അംബാസിഡർ കാറിനോപ്പമുള്ള ചിത്രമാണ് ആരാധകർ ഏറ്റെടുത്തിരിക്കുന്നത്. മോഹൻലാൽ...

More News