ന്യൂഡൽഹി: കോൺഗ്രസ് നേതാവും രാജ്യസഭാ പ്രതിപക്ഷ നേതാവുമായ മല്ലികാർജുൻ ഖാർഗെയെ എൻഫോഴ്സ്മെന്‍റ് ഡയറക്ട്രേറ്റ് (ഇഡി) ചോദ്യം ചെയ്യുന്നു. നാഷണൽ ഹെറാൾഡ് അഴിമതിക്കേസിലാണ് ചോദ്യം ചെയ്യൽ. തിങ്കളാഴ്ച ഹാജരാകണമെന്ന് ആവശ്യപ്പെട്ട് ഖാർഗെയ്ക്ക് ഇഡി നോട്ടീസ് നൽകിയിരുന്നു.
നാഷണല്‍ ഹെറാള്‍ഡ് പത്രത്തിന്‍റെ സ്വത്തുക്കള്‍ യംഗ് ഇന്ത്യന്‍ എന്ന കമ്പനി രൂപീകരിച്ച് സോണിയയും രാഹുലും തട്ടിയെടുത്തെന്നാണ് കേസ്. പ്രതികളായ സോണിയ അടക്കമുള്ളവരോട് ഡൽഹി ഹൈക്കോടതി നോട്ടീസ് അയച്ച് മറുപടി തേടിയിരിക്കവെയാണ് ഖാര്‍ഗെയെ ചോദ്യം ചെയ്യുന്നത്.
