Wednesday, July 28, 2021

പ്രായപൂര്‍ത്തിയാകാത്ത മകളെ മൂന്നുവര്‍ഷം പീഡിപ്പിച്ചു; ഗര്‍ഭിണിയാക്കി; രണ്ടാനച്ഛന് 30 കൊല്ലം ശിക്ഷ വിധിച്ച് കോടതി

Must Read

ഹരിപ്പാട് : പ്രായപൂര്‍ത്തിയാകാത്ത മകളെ മൂന്നുവര്‍ഷം പീഡിപ്പിക്കുകയും ഗര്‍ഭിണിയാക്കുകയും ചെയ്ത കേസില്‍ രണ്ടാനച്ഛന് ശിക്ഷ വിധിച്ച് കോടതി. ഹരിപ്പാട് ഫാസ്റ്റ് ട്രാക് സ്പെഷ്യല്‍ കോടതി ജഡ്ജി കെ. വിഷ്ണുവാണ് ശിക്ഷ വിധിച്ചത്.

ഭാര്യയുടെ ആദ്യവിവാഹത്തിലെ പ്രായപൂര്‍ത്തിയാകാത്ത മകളെ മൂന്നുവര്‍ഷം പീഡിപ്പിക്കുകയും ഗര്‍ഭിണിയാക്കുകയും ചെയ്ത ചെന്നിത്തല സ്വദേശിയായ 70 വയസ്സുകാരനായ പ്രതിക്ക് 30 വര്‍ഷം തടവും 25,000 രൂപ പിഴയുമാണ് ശിക്ഷ വിധിച്ചത്.

14 വയസ്സുള്ളപ്പോള്‍ കുട്ടി ഏഴുമാസം ഗര്‍ഭിണിയായപ്പോഴാണു പീഡനം പുറത്തറിയുന്നത്. സ്‌കൂളിലെ അദ്ധ്യാപകരാണു കുട്ടിയുടെ ശാരീരിക അവസ്ഥ കണ്ട് ആശുപത്രിയിലാക്കുന്നത്. തുടര്‍ന്നാണ് പ്രതിയെ പൊലീസ് പിടികൂടുന്നത്. കോടതി ജാമ്യം അനുവദിച്ചെങ്കിലും ജാമ്യംനില്‍ക്കാന്‍ ആരും തയ്യാറാകാത്തതിനാൽ 2015 മുതല്‍ ഇയാള്‍ ജയിലിലാണ്. പ്രതിക്ക് രണ്ട് ആണ്‍മക്കളാണുള്ളത്. ആദ്യഭാര്യ ഉപേക്ഷിച്ചതിനെത്തുടര്‍ന്നാണ് ഒരു മകളുള്ള സ്ത്രീയെ വിവാഹം കഴിക്കുന്നത്

Leave a Reply

Latest News

ഐ.എന്‍.എല്‍. പിളര്‍പ്പിന് പിന്നാലെ അഹമ്മദ് ദേവര്‍കോവിലിന്റെ മന്ത്രിസ്ഥാനത്തിൽ ആശങ്കയുണർത്തി സി.പി.ഐ.എം

തിരുവനന്തപുരം: സംസ്ഥാന പ്രസിഡന്റ് എ.പി. അബ്ദുള്‍ വഹാബ് വിഭാഗവും ജനറല്‍ സെക്രട്ടറി കാസിം ഇരിക്കൂര്‍ വിഭാഗവും അംഗീകരിച്ചാല്‍ മാത്രമേ അഹമ്മദ് ദേവര്‍കോവിലിനെ മന്ത്രിയായി നിലനിര്‍ത്തേണ്ടതുള്ളു എന്നാണ്...

More News