Sunday, July 25, 2021

26ന്റെ ദേശീയ പണിമുടക്ക്‌ വൻ വിജയമാക്കുക : ട്രേഡ്‌ യൂണിയൻ സമിതി

Must Read

തിരുവനന്തപുരം:കേന്ദ്ര ബിജെപി സർക്കാരിന്റെ തൊഴിലാളിവിരുദ്ധ നയങ്ങൾക്കെതിരെയുള്ള 26ന്റെ ദേശീയ പണിമുടക്കിൽ എല്ലാവരും പങ്കാളികളാകണമെന്ന്‌ സംയുക്ത ട്രേഡ്‌ യൂണിയൻ സമിതി നേതാക്കൾ വാർത്താസമ്മേളനത്തിൽ അഭ്യർഥിച്ചു. പതിറ്റാണ്ടുകളുടെ പോരാട്ടങ്ങളിലൂടെ നേടിയെടുത്ത അവകാശങ്ങൾ ഇല്ലാതാക്കി തൊഴിലാളികളെ അടിമസമാന സാഹചര്യത്തിലേക്ക്‌ തള്ളിവിടാനുള്ള തൊഴിൽകോഡുകളാണ്‌ കേന്ദ്ര സർക്കാർ പാസാക്കിയത്‌. ഉപജീവനം ദുരിതപൂർണമാക്കുന്ന നയങ്ങളാണ്‌ കേന്ദ്രം നടപ്പാക്കുന്നത്‌.

കർഷക ദ്രോഹനയങ്ങളും തൊഴിലാളിവിരുദ്ധ കോഡുകളും പിൻവലിക്കുക, കേന്ദ്ര- പൊതുമേഖലാ ജീവനക്കാരെ പിരിച്ചുവിടുന്നത് അവസാനിപ്പിക്കുക, ഗ്രാമീണ തൊഴിലുറപ്പ് പദ്ധതി വിപുലീകരിക്കുക തുടങ്ങിയ ആവശ്യങ്ങൾ ഉന്നയിച്ചുള്ള ദേശീയ പണിമുടക്കിൽ കേരളത്തിൽ 1.60 കോടി തൊഴിലാളികൾ പങ്കെടുക്കും. മോട്ടോർവാഹനങ്ങൾ തൊഴിലാളികൾ നിരത്തിലിറക്കില്ല. സ്വകാര്യ വാഹനങ്ങളും പണിമുടക്കുമായി സഹകരിക്കണം. പാൽ, പത്രം, ആശുപത്രി, ടൂറിസം എന്നിവയെ ഒഴിവാക്കി. സംസ്ഥാന തെരഞ്ഞെടുപ്പ്‌ കമീഷന്റെ ഓഫീസുകളുടെ പ്രവർത്തനങ്ങളെയും ഉദ്യോഗസ്ഥരുടെ അവശ്യ യാത്രകളെയും ബാധിക്കില്ല. അസംഘടിതമേഖലയിലെ തൊഴിലാളികളും പണിമുടക്കും. കേന്ദ്ര ട്രേഡ് യൂണിയനുകളും പൊതുമേഖലാ ജീവനക്കാരുടെ ഫെഡറേഷനുകളും കേന്ദ്ര–- സംസ്ഥാന സർക്കാർ ജീവനക്കാരും ഒന്നിച്ച്‌ നടത്തുന്ന പണിമുടക്കിൽ ദേശീയതലത്തിലെ പത്ത് സംഘടനയ്‌ക്കൊപ്പം സംസ്ഥാനത്തെ 13 തൊഴിലാളി സംഘടനകളും അണിചേരും. ബാങ്ക്, ഇൻഷുറൻസ് മേഖലയിലെ തൊഴിലാളികൾ, കർഷകത്തൊഴിലാളികൾ, കെഎസ്ആർടിസി ഉൾപ്പെടെയുള്ള മോട്ടോർവാഹന തൊഴിലാളികൾ, വ്യാപാര വാണിജ്യ മേഖലകളിൽ ഉള്ളവരും ഭാഗമാകും Thiruvananthapuram: Leaders of the Joint Trade Union Committee said in a press conference that everyone should participate in the 26th national strike against the anti-labor policies of the Central BJP government.

Leave a Reply

Latest News

സംസ്ഥാനത്ത് ഇന്ന് 17,466 പേര്‍ക്ക് കോവിഡ്-19 സ്ഥിരീകരിച്ചു

സംസ്ഥാനത്ത് ഇന്ന് 17,466 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം 2684, കോഴിക്കോട് 2379, തൃശൂര്‍ 2190, എറണാകുളം 1687, പാലക്കാട് 1552, കൊല്ലം 1263, തിരുവനന്തപുരം...

More News