കൊച്ചി: കെഎസ്ഇബി ഓഫീസര്മാര് നടത്തുന്ന സമരം നിയമവിരുദ്ധമായി പ്രഖ്യാപിക്കണമെന്ന് ആവശ്യപ്പെട്ട ഹര്ജി ചൊവ്വാഴ്ച ഹൈക്കോടതി പരിഗണിക്കും. വയനാട് വൈത്തിരി സ്വദേശി അരുണ് ജോസ് ആണ് ഹർജി നല്കിയത്. സമരത്തെത്തുടര്ന്ന് വൈദ്യുതി വിതരണം തടസപ്പെടാനിടയുണ്ടെന്നും പൊതുജനങ്ങളെ ഇതു ബുദ്ധിമുട്ടിലാക്കുമെന്നും ഹര്ജിയില് പറയുന്നു.
വര്ക്ക് ഫ്രം ഹോം സംവിധാനത്തില് ജോലി ചെയ്യുന്ന തനിക്ക് യഥാസമയം ജോലി പൂര്ത്തിയാക്കാന് തടസമില്ലാതെ വൈദ്യുതി ലഭ്യമാക്കണമെന്നും ഹര്ജിക്കാരന് ആവശ്യപ്പെടുന്നു. കെഎസ്ഇബി ഓഫീസര്മാര് തിങ്കളാഴ്ച മുതലാണ് സമരം തുടങ്ങിയത്. നിയമവിരുദ്ധമായി സമരം നടത്തുന്നതു തടയണമെന്നും ഹര്ജിയില് പറയുന്നു.