Thursday, May 13, 2021

ലോക്ഡൗണ്‍ കാലത്ത് ഉപയോക്താക്കളില്‍ നിന്ന് പിരിഞ്ഞു കിട്ടാനുളളത് 700 കോടി; നാളെ വരെ കുടിശ്ശിക അടച്ചു തീര്‍ക്കാത്തവരുടെ ഫ്യൂസ് ഊരുന്നതിന് നോട്ടിസ് നല്‍കുമെന്ന് വൈദ്യുതി ബോര്‍ഡ്

Must Read

തിരുവനന്തപുരം: ലോക്ഡൗണ്‍ കാലത്ത് ഉപയോക്താക്കളില്‍ നിന്ന് 700 കോടിയോളം രൂപയുടെ കുടിശിക പിരിഞ്ഞു കിട്ടാനുണ്ടെന്ന് കെഎസ്ഇബി.നാളെ വരെ കുടിശ്ശിക അടച്ചു തീര്‍ക്കാത്തവരുടെ ഫ്യൂസ് ഊരുന്നതിന് നോട്ടിസ് നല്‍കുമെന്നും വൈദ്യുതി ബോര്‍ഡ് ചെയര്‍മാന്‍ എന്‍ എസ് പിള്ള പറഞ്ഞു.

ഇതില്‍ ഭൂരിപക്ഷവും വ്യവസായ,വാണിജ്യ ഉപയോക്താക്കളാണ്. അവര്‍ക്ക് കുടിശിക നാലോ അഞ്ചോ ഗഡുക്കളായി അടയ്ക്കാന്‍ സാവകാശം നല്‍കാന്‍ ബോര്‍ഡ് തയ്യാറാണ്. അങ്ങനെ സാവകാശം വാങ്ങിയവരുടെ ഫ്യൂസ് ഊരില്ലെന്നും എന്‍ എസ് പിള്ള അറിയിച്ചു.

പുറത്തു നിന്നു വൈദ്യുതി വാങ്ങുന്നതിനു പണം വേണമെന്നതിനാല്‍ കുടിശിക പിരിക്കാതെ നിവൃത്തിയില്ല. സംസ്ഥാനത്ത് 5 കോടി എല്‍ഇഡി ബള്‍ബുകള്‍ വിതരണം ചെയ്ത് 250 മെഗാവാട്ട് ലാഭിക്കാനാണു ബോര്‍ഡ് ലക്ഷ്യമിട്ടിരിക്കുന്നത്. ഇതില്‍ 9 വാട്‌സിന്റെ ഒരു കോടി എല്‍ഇഡി ബള്‍ബാണ് ഇപ്പോള്‍ നല്‍കുന്നത്. 65 രൂപ വിലയുള്ള ഇതിനു മൂന്നു വര്‍ഷത്തെ വാറന്റിയുണ്ടെന്നും ചെയര്‍മാന്‍ അറിയിച്ചു.

English summary

KSEB has said that Rs 700 crore is due from consumers during the lockdown period and the Electricity Board will issue a notice to remove the fuse of those who have not paid their dues till tomorrow.

Leave a Reply

Latest News

മഹാരാഷ്ട്രയിൽ പ്രവേശിക്കണമെങ്കിൽ ആർ.ടി.പി.സി.ആർ പരിശോധന ഫലം നെഗറ്റീവായതിന്‍റെ സർട്ടിഫിക്കറ്റ് കൈയിൽ കരുതണം

മുംബൈ: മഹാരാഷ്​ട്രയിൽ കോവിഡ്​ വ്യാപനം ​രൂക്ഷമായി തുടരുന്ന സാഹചര്യത്തിൽ അടുത്തമാസം വരെ നിയന്ത്രണം നീളും. ജൂൺ ഒന്ന്​ രാവിലെ ഒന്നുവരെ ലോക്​ഡൗണിന്​ സമാനമായ നിയന്ത്രണങ്ങൾ തുടരുമെന്ന്​...

More News