Friday, May 14, 2021

വിവാഹദിവസത്തിന്‍റെ തലേദിവസം വരന് കോവിഡ് സ്ഥിരീകരിച്ചു; വധൂവരൻമാരും അടുത്ത ബന്ധുക്കളും പി.പി.ഇ കിറ്റ് ധരിച്ച് വിവാഹപന്തലിൽ

Must Read

ഭോപാൽ: രാജ്യത്ത്​ കോവിഡ് 19ന്‍റെ രണ്ടാം തരംഗം രൂക്ഷമാകുന്നതിനിടെ കോവിഡ്​ മാനദണ്ഡങ്ങൾ പാലിച്ച്​ നടത്തിയ വിവാഹമാണ്​ സമൂഹമാധ്യമങ്ങളിൽ വൈറൽ. മധ്യപ്രദേശിലെ രത്​ലം നഗരത്തിലാണ്​ സംഭവം.

വധൂവരൻമാരും അടുത്ത ബന്ധുക്കള​ും പി.പി.ഇ കിറ്റ്​ ധരിച്ചാണ്​ വിവാഹപന്തലി​ൽ എത്തിയത്​. സാമൂഹിക അകലം ഉൾപ്പെടെ കോവിഡ് മാനദണ്ഡങ്ങൾ എല്ലാവരും പാലിക്കുകയും ചെയ്​തു.

വിവാഹദിവസത്തിന്‍റെ തലേദിവസമാണ്​ വരന്​ കോവിഡ്​ സ്​ഥിരീകരിക്കുന്നത്​. ഒരുക്കങ്ങളെല്ലാം പൂർത്തിയാക്കുകയും ചെയ്​തിരുന്നു. അതിനാൽതന്നെ വിവാഹം മാറ്റിവെക്കാൻ ഇരുകൂട്ടരും തയാറായില്ല. മുൻകൂട്ടി നിശ്ചയിച്ച സമയത്തുതന്നെ വിവാഹം നടത്തി. പി.പി.ഇ കിറ്റ്​ ധരിച്ചായിരുന്നു ചടങ്ങുകളെല്ലാം നടത്തിയതും.

‘ഏപ്രിൽ 19ന്​ വരന്​ കോവിഡ്​ സ്​ഥിരീകരിക്കുകയായിരുന്നു. വിവാഹം നിർത്തിവെക്കണമെന്ന്​ ആവശ്യപ്പെട്ടായിരുന്നു ഞങ്ങൾ സ്​ഥലത്തെത്തിയത്​. എന്നാൽ മുതിർന്ന ഉദ്യോഗസ്​ഥരുടെ നിർദേശം അനുസരിച്ച്​ കോവിഡ്​ മാനദണ്ഡങ്ങൾ പാലിച്ച്​ നടത്താൻ അനുവാദം നൽകുകയായിരുന്നു’ -രത്​ലം തഹസിൽദാൻ നവീൻ ഗാർഗ്​ പറഞ്ഞു. വധൂവരൻമാരും ബന്ധുക്കളും പി.പി.ഇ കിറ്റ്​ ധരിച്ചതിനാൽ രോഗം പടരില്ലെന്നും അദ്ദേഹം കൂട്ടിച്ചേർത്തു.

ആലപ്പുഴയിൽ കോവിഡ്​ ബാധിച്ച്​ ചികിത്സയിലുള്ള വരനെ ആശുപത്രി വാർഡിൽ പി.പി.ഇ കിറ്റ്​ ധരിച്ച്​ വധുവെത്തി വിവാഹം നടത്തിയത്​ വൻ വാർത്തയായിരുന്നു. കോവിഡ്​ പോസിറ്റീവായിരുന്ന വരന്‍റെ അമ്മയുടെ സാന്നിധ്യത്തിലായിരുന്നു ഇരുവരുടെയും വിവാഹം.

മധ്യപ്രദേശിൽ ഞായറാഴ്ച 13,601 പേർക്കാണ്​ കോവിഡ്​ സ്​ഥിരീകരിച്ചത്​. 92 മരണവും സ്​ഥിരീകരിച്ചു. ഇതുവരെ 4,99,304 കേസുകളാണ്​ ​മധ്യപ്രദേശിൽ സ്​ഥിരീകരിച്ചതെന്നും ആരോഗ്യവകുപ്പ്​ അറിയിച്ചിരുന്നു.

Leave a Reply

Latest News

ദുരന്ത നിവാരണ പ്രവർത്തനങ്ങൾക്ക് സജ്ജമായി മൂവാറ്റുപുഴ താലൂക്ക്

മഴക്കാല ദുരന്ത നിവാരണ പ്രവർത്തനങ്ങൾക്ക് സജ്ജമായി മൂവാറ്റുപുഴ താലൂക്ക്. മഴക്കാല മുന്നൊരുക്കങ്ങളുടെ ഭാഗമായി താലൂക്കിലെ ഐ.ആർ.എസ് സമിതി, യോഗം ചേർന്ന് സ്ഥിതിഗതികൾ വിലയിരുത്തി. താലൂക്കിലെ അടിയന്തരഘട്ട...

More News