Sunday, July 25, 2021

രണ്ടായിരം കോടിയുടെ പോപ്പുലർ ഫിനാൻസ് തട്ടിപ്പ് കേസിൽ പോലീസ് കൃത്യമായി എഫ്.ഐ.ആർ ഇടുന്നില്ലെന്ന ആരോപണം നിലനിൽക്കേ മാന്നാർ സ്റ്റേഷൻ പരിധിയിലുള്ള കേസുകൾ അന്വേഷിക്കുന്ന ഗ്രേഡ് എസ്.ഐ 3000 രൂപ കൈക്കൂലി വാങ്ങുന്നതിനിടെ പിടിയിൽ

Must Read

പോളി വടക്കൻ

കൊച്ചി: രണ്ടായിരം കോടിയുടെ പോപ്പുലർ ഫിനാൻസ് തട്ടിപ്പ് കേസിൽ പോലീസ് കൃത്യമായി എഫ്.ഐ.ആർ ഇടുന്നില്ലെന്ന ആരോപണം നിലനിൽക്കേ ഒരു അന്വേഷണ ഉദ്യോഗസ്ഥൻ കൈക്കൂലി കേസിൽ അറസ്റ്റിൽ. പോപ്പുലർ ഫിനാൻസിൻ്റെ മാന്നാർ സ്റ്റേഷൻ പരിധിയിലുള്ള കേസുകൾ അന്വേഷിക്കുന്ന ഗ്രേഡ് എസ്.ഐ കെ പി ഷാജി മോനാണ് വിജിലൻസിൻ്റെ പിടിയിലായത്. മോഷണ കേസ് ഒതുക്കാൻ മൂവായിരം രൂപ കൈക്കൂലി വാങ്ങുന്നതിനിടെയാണ് ഇയാൾ പിടിയിലായത്.

മണ്ണഞ്ചേരി പെരുന്തുരുത്ത് മുറി സ്വദേശിയാണ് കെ.പി ഷാജി മോൻ. പായിപ്പാട് സ്വദേശിയായ യുവാവിൽ നിന്നും കൈക്കൂലി വാങ്ങുന്നതിനിടെയാണ് ഇയാൾ പിടിയിലായത്.
സംഭവം ഇങ്ങനെ:

പായിപ്പാട് സ്വദേശിയുടെ ഗുഡ്സ് ഓട്ടോറിക്ഷ വഴിയോര കച്ചവടത്തിനായി വാടകക്ക് നൽകി. മൂന്ന് യുവാക്കൾ ചേർന്നാണ് ഓട്ടോറിക്ഷ വാടകക്ക് എടുത്തത്. പിന്നീട് ഇവർ ഓട്ടോറിക്ഷ മോഷണത്തിന് ഉപയോഗിക്കുകയായിരുന്നു. പച്ചക്കറി കട കുത്തിപ്പൊളിച്ച് മോഷണം നടത്തുന്നതിനിടെ യുവാക്കളെ പോലീസ് പിടികൂടുകയായിരുന്നു.

ഓട്ടൊറിക്ഷയുടെ ആർ സി ഓണറുടെ കയ്യിൽ നിന്നും കെ.പി ഷാജിമോൻ ആദ്യം 1500 രൂപ വാങ്ങി. പിന്നീട് പരാതിക്കാരനായ യുവാവിൽ നിന്നും 1500 രൂപയും. ആർ സി ബുക്കിൽ പേര് മാറ്റിയിരുന്നില്ല. ഓട്ടൊറിക്ഷ തൊണ്ടിമുതലായി കോടതിയിൽ എത്താതിരിക്കാൻ 5000 രൂപ കൂടി ആവശ്യപ്പെടുകയായിരുന്നു. ഇക്കാര്യം പരാതിക്കാരൻ വിജിലൻസിനെ അറിയിച്ചു. വിജിലൻസ് നിർദേശ പ്രകാരം ഫോൺ സംഭാഷണങ്ങൾ റെക്കോർഡ് ചെയ്തു. പിന്നീട് 3000 രൂപ കൈക്കൂലി നൽകി. അത് മൊബൈലിൽ പകർത്തുകയായിരുന്നു.

കിഴക്കൻ മേഖല വിജിലൻസ് എസ് പി ടി ജി വിനോദ്കുമാറിൻ്റെ നിർദ്ദേശനുസരണം ആലപ്പുഴ വിജിലൻസ് ഡി.വൈ.എസ്.പി ഹരി വിദ്യാധരൻ , ഇൻസ്‌പെക്ടർമാരായ ബെന്നി , ബാബുക്കുട്ടൻ എന്നിവരും , കോട്ടയം വിജിലൻസ് യൂണിറ്റിലെ എസ് ഐ മാരായ സ്റ്റാന്റ്ലി തോമസ് , വിൻസെന്റ് , തുളസിധരക്കുറുപ്പ് , എന്നിവരും ചേർന്നാണ് ഷാജി മോനെ പിടികൂടിയത്.

English summary

It is alleged that the police are not filing an accurate FIR in the Rs 2,000 crore popular finance fraud case. While still alive, an investigating officer was arrested in a bribery case

Leave a Reply

Latest News

സംസ്ഥാനത്ത് ഇന്ന് 17,466 പേര്‍ക്ക് കോവിഡ്-19 സ്ഥിരീകരിച്ചു

സംസ്ഥാനത്ത് ഇന്ന് 17,466 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം 2684, കോഴിക്കോട് 2379, തൃശൂര്‍ 2190, എറണാകുളം 1687, പാലക്കാട് 1552, കൊല്ലം 1263, തിരുവനന്തപുരം...

More News