ഭക്ഷണത്തിൽ ഉപ്പ് കൂടിയതിൽ പ്രകോപിതനായി; യുവാവ് ഭാര്യയെ കഴുത്ത് ഞെരിച്ച് കൊന്നു

0

മുംബൈ: ഭക്ഷണത്തിൽ ഉപ്പ് കൂടിയതിന് യുവാവ് ഭാര്യയെ കഴുത്ത് ഞെരിച്ച് കൊന്നു. മഹാരാഷ്ട്രയിലെ താനെയിലാണ് സംഭവം. പ്രഭാത ഭക്ഷണത്തിൽ ഉപ്പ് കൂടിയതി​ന്റെ പേരിലാണ് നിലേഷ് ഘാഗ് എന്നയാൾ ഭാര്യയെ കൊലപ്പെടുത്തിയത്. നിർമ്മല(40) ആണ് കൊല്ലപ്പെട്ടത്.

വെള്ളിയാഴ്ച പുലർച്ചെയാണ് സംഭവം. പ്രഭാതഭക്ഷണം കഴിച്ചതിന് ശേഷം രാവിലെ 9:30 മണിയോടെ നിലേഷ് ഭാര്യയെ നീളമുള്ള തുണികൊണ്ട് കഴുത്ത് ഞെരിച്ച് കൊലപ്പെടുത്തുകയായിരുന്നെന്ന് പൊലീസ് പറഞ്ഞു. ഭാര്യ പാകം ചെയ്ത കിച്ചടിയിൽ ഉപ്പിൻറെ അംശം കൂടിയതിൽ പ്രകോപിതനായാണ് ഭാര്യയെ കൊലപ്പെടുത്തിയതെന്ന് പ്രതി വെളിപ്പടെുത്തിയതായി മീരാ ഭയന്ദർ-വസായ് വിരാർ പൊലീസ് കമ്മീഷണറേറ്റിലെ ഉദ്യോഗസ്ഥൻ പറഞ്ഞു.

വിവരമറിഞ്ഞ് സ്ഥലത്തെത്തിയ പൊലീസ് യുവതിയുടെ മൃതദേഹം ഫോറൻസിക് പരിശോധനക്കായി പ്രാദേശിക സർക്കാർ ആശുപത്രിയിലേക്ക് അയച്ചു. കൊലപാതക കുറ്റം ചുമത്തി പ്രതിക്കെതിരെ കേസ് രജിസ്റ്റർ ചെയ്തിട്ടുണ്ടെന്നും സംഭവത്തിൽ അന്വേഷണം പുരോഗമിക്കുന്നുണ്ടെന്നും പൊലീസ് പറഞ്ഞു.

Leave a Reply